لاتســألون القلــب والقلب كابــت00000
[center]كيف العزوم[/center]
كيف العزوم بداخل النفس ذابت = وكيف الأمل في داخلي فيه تغيير
لاتسألون القلب والقلب كابت = انا اللي اعطيكم عن القلب تقرير
قلبي جروحه كل ماقلت طابت = تحيا حياة ازروع تسقى من البـير
وزرع الموده كل ماقلت نابت = هبت عليه وصرمته المعاصيــــر
تذبل غصون الزرع والعرق ثابت = ويموت لوالماء على العرق تقطير
والنفس عن ود الغناديـر تابت = ابدت لقلبي عـن هواهن معاذير
يمكن مكاسبها من السوق خابت = خسرة مع الاسم بسوق الهوامير
والا عليهـــا دعــوةٍ واستجابت = والا اتجاهي بالهواء عاكس السير
وكان انــها للــه بالله آبــت = الله يثبتهـا علـى نيـّة الخيـــــر
وسلامتكـــم
رد مع اقتباس
المفضلات