( دخيـــل ربكــ قبلــ عني تروحيــــن )
قولي وأنا أسمع كل كلمه تقولين
عــن كــل مافي داخلــك حدثيني
قولي وش تحبين وش ما تحبين
قولي كرهتك .. قولي إنك تبيني
أنا هويتك قبل أعرف الهوى وين
عرفــت حبــك قبـل ما تعرفينـــي
حبيتك بسمعي قبل نظرة العين
وحبيتك أكثر يوم شافتك عيني
حبيت طبعك زين ولا ماهو زين
في كل حالاتك معـي تعجبيــني
في قسوتك والظلم في العطف واللين
فــي كـل شــي صــار بينــك وبينــي
صحيح غيرك ناس واجد وغالين
لكــن انتي شي منــي .. وفينـــي
وداعك أصعــب من وداع المحبين
ونسيانك اصعب من تناسي حنيني
دخيــل ربك قبل عنــي تروحين
!!قولي أحبك لو كذب وأتركيني
للشاعــر / رشيد الدهـــام
رد مع اقتباس
المشاركة الأصلية كتبت بواسطة ماجد سليمان البلوي
المفضلات