بين جفنك و عينك !

بين جفنك وعينك الف معنى ومعنى=وش بقا للقصايد يوم ترخي جفونك
انت ياللي بزينك جيتنا تنتزعنا=وسع الصدر وارحمنا على هون هونك
انت والله لو انا بنسري رجعنا=لا انتها زين غيرك كنهم يبتدونك
حي ذك الحلا فيك عنه انقطعنا=مبطيـ(ن) ما ورد الزين من يشبهونك
كم بغيناك في وصف وانا اقول ضعنا=عجزت ابيات شعر معذبك يا صفونك
كم شرينا بسوق الوصف غيرك وبعنا=وانت مهما وصفنا كله يطيح دونك
يا مضيق صدور البيض في مجتمعنا=والله اني و شعري ما قوينا عيونك
تذكر النظره اللي من وراها اندفعنا=يوم تقبل سكونك مختلط مع جنونك
ما تكلمت لكنا سمعنا واطعنا=وكن هالناس مثلي كلهم يفهمونك
جيتنا في غرور ورحت تعلن ولعنا=لوك تبيع حكيك والله اني زبونك
يوم قفيت والله ثقلنا ما نفعنا=خذت ناس وناس ودهم يتبعونك
دام قلبك كبير وراهي يتسعنا=ظفنا فيه ولا ظفنا في ردونك
اثر للزين هيبه تونا ما اقتنعنا==اقر لا جيت تطلع وانتبه يحسدونك
لو معانا سكاكين لك الله قطعنا=بس ربك حميد وقطعتنا عيونك

للشآعر / حمد السعيد

رااااااااااااااااائعه
من روائع
الشاعر المبدع والمتألق
حمد السعيد
مشكووووووووووور
سعود
وسلمت أناملك على هذا النقل

رآآآآآئعه هآلقصيدهـ

وميب غرييبه على حمـد


..ودِّي "

الاروع هو مروركم العطر