المجلس اللي فية شذب العراقيب,,,,

بسم الله الرحمن الرحيم
السلام عليكم ورحمة الله وبركاتة
هذة القصيدة كتبتها عن مجالس السوء أعاذنا الله واياكم منها.

المجلس اللي فية شذب العراقيب=لا ترغبة لوكان تجلس خلاوي
لاتنسجم وتخوض مع مثلهم عيب=تكسب ذنوباً زيهم بالتساوي
تسمع سوالف حش والقذف بالغيب= ماتستفيد الظلم يصعد سماوي
محد ترا معصوم مابة عذاريب= فكر بنفسك تكتشف لك بلاوي
خلك نزية ومحترم وأزرع الطيب= مع البشررتلقاه بلسم يداوي
وأحفظ لسانك دايماً قدر الشيب=أحذر تكبر فوق عامل فداوي
ماتنفع الدنيا بموقف لك صعيب= يوماً عبوس يشوف فية العماوي
خالط نشامى تستحي تنفظ الجيب=تدخل على الله عن كثير الدعاوي
تستر عيوب الناس ماتروح وتجيب=علومهم مابين شعر وفتاوي

..

الله الله الله

ونص من شاعر جزل

يكتب بوعي ونضج ورجوله

نص أنسانا عتب الغياب من جزآلته وطهره

أبو سلطآن

صح الله لسانك وطيب فالك

ومافيك حيله

(:

صح لسانك على جميل قولك

ابيات من ذهب

بسم الله الرحمن الرحيم

ما اجمل الشعر عندما يأتي بكل عفويه وصدق

استمتعت هنا

الف صح لسانك

صح لسانك قصيده جزله من شاعر جزل,,

صح الله لسانك وطيب فالك