لقاء بطعم البوتكس

الله يقلع سلكككم وينتظر مخفرتكم انا اذاااا طفشت من السيارة اظيع المفتاح وانا من الناس اللي مايحب انه يتابع المسلسل اذا كانت المرأة مطلقه
حاجات كثيرة طرت علي لا ومغيرين الديكور حق المنتدى وش الطاري عسى ماجايكم ظيف غريب. الدنيا كلها خرطي في خرطي ويمكن تصير الدنيا مخرطه كل شي جايز دنيا معكوسه تزرع بصل يطلع كوسه
اسمع انت عطني القلم اللي بيدك شوف ركز معاي طالع للقلم من فوق حط غني وطالع للقلم من تحت وحط فقير وانا معاي معهد مهني حطني بنص القلم طيب كويس اقلب القلم الفقير صار فوق والغني صار تحت وانا باقي ماتغيرت الى هالحين بالنص لا تقول وش فيني ولا تقول اني ما ني طيب
اعلمك الصراحه خلاص فلسع مخي مااجمع عايش على البتكس وعايش جارنا اللي بحارتنا وعايش على الكالونيا تشم معاي ريحه ترى ماني طالع من حلاق الحلاق طالع مني يااخي وش فيك تطالع تبيني انكث خلاص انا هالحين ابي انكث واطلع اللي بقلبي .
طيب وش ذنبي مالقيت احد يهتم فيني ابوي ماهو فاضي ( مليان مشاغل ) وامي ماهي فاضية ( مليانه مسايير ) ماني ساكت ابي اطلع اللي بقلبي
ياخي كان عمري ثمان تعش ( لاتضحك انا ماانكت ) ومااحد يسأل عني في البيت الاب بالكازينو زمان ( مافيه استراحات زي الحين ) والام ( عند الجيرانات لاتدقق هذا اسلوبي ) يعني اروح واجي على كيفي مااحد يسأل عني تعرفت على شلة بعمري يعني ابو ثمان طعش وحوله نروح ونجي وندج نفس الوضع اللي انا فيه قدر الله علي وسويت جريه ( مصيبه ) يعني سرقه ومسكوني الحكومه وانحكمت لمدة ثلاث سنوات والحمد لله انتهت وطلعت مااحد زارني ولا احد سأل عني بالسجن يوم طلعت رحت لبيتنا ويوم جيت انصدمت مااحد استقبلني ولا شقى فيني كلهم صارو ضدي ليتك ما طلعت ليتك ماطلعت رحت ادور اخوياي الاولين لقيت بعضا منهم واستقبلوني ورحبو فيني والامور زينه
طفش في طفش اظطريت اني استخدم المخدرات عشان انسى الهموم اللي انا فيها والحين انا لي اربع ايام مواصل يعني طقع مخي الله يكرمكم
لا احد يدقق يمكن ازحف عليكم واخلي الطايح رايح واخلي اللي ماهو راضي يصير راضي

عفت كل شئ بها الدنيا الحين انا مستانس ماادري وين انا فيه اللي اتذكره اني قدامك يابندر وانا انكث واعطيك اعلومي على فكره في امور مااقدر اقولها لك لاني اتحفظ بها
يااخي انت وش خلاك تقابلني وكيف قدرت تخليني اعلمك بعلومي خلاص دريت ياويلك لو احد يدري لا يجي بكره احد بالشارع ويقابلني ويقول انت اللي اهلك تخلو عنك بعد السجن ترا مااعرف الا انت ...

بندر : خلاص ابشر ماراح اعلم احد باسمك لكن ابي اكتب اعلومك بالمنتدى انا عارف انك صعبه نعالجك خلاص ماباقي بمخك سلك واحد لكن نبي نحاول ان نعالج مثل المشاكل والظروف اللي انت مريت فيها
أي خدمه : سلامتك سلم لي على المنتدى وقلهم مبروك التلاوين اللي حطوها

ابو قايش ( تشكراتي )

مدخل
،،،،
هذه نهاية النوم تحت مكيف ماهو مثبت

،،،،
أضبط حالك داخل السجن وخله نقله لك للأفضل
تجد من يستقبلك لا طلعت
أما تخربها داخل السجن ،،، بيخربوها عليك بعدم الاستقبال لا طلعت
،،،،
قبل اللوم للمجتمع
ما مدى توجه الشخص هل اتعض من سجنه
أم على ماهو عليه
،،،،
اما شخص سيئ للغايه وتريد أن يحتويه المجتمع
كيف يحتويه وهو ينخر بجسد ذلك المجتمع
،،،
مع هذا كله لا بد من وقفه حانيه معه وتوجيه

،،،،،

ولا يجعل رفض المجتمع له نهاية العالم
يبدأ من جديد والايام جديره بإثبات العكس

تحياتي

مدخل
،،،،
هذه نهاية النوم تحت مكيف ماهو مثبت

يعطيك العافيه ابو حمد انا قلت لك رد ماقلت لك تنكث وتجيب الاول والتالي اظاهر انك شارب دهن العود

ابو حمد يبقى المجتمع والاسره هم المسئولين عن الابن مهما كبر خطاه وظف الى ذلك التوعيه داخل السجن والتثقيف

خذ مثال اعرف واحد انسجن بدين طلع يدخن ويلعب بلوت

اخر شي الذي اود الوصول اليه ان شبابنا مهما اخطأو يبقون ابنائنا ( خشمك منك لو اعفنك )

هذه نوعية من عدة نوعيات في المجتمع


لآسف بأنه حاله هو من وضعها في نفســه

ولم يجبرهـ احد على الانحراف والسلبية التي واجهته في مسيرة حياتــه


بلغ سلامي لـه وقــل لــه

الشغل مو بعيب لو ببسطة خضرة تترزق الله فيها وتحط لنفسك قيمة انسانية

ولاتكون في مستوى حياة الاكل والشرب والنوم ..


فلا يبقى أي شي على حــالـه ومصيـركـ راح تكرر عبارة ( ليتني عملت وليتني فعلـت )

ووقتها لاينفع الندم


طرح موفق

كل التقدير