{ الـجــذول }_ أهل القيم / وأهل الشيم / ساس الكرم / وأهل الفعول

نص متواضع بمناسبة زواج الاخ الغالي : نايف مسلم الجذلي
/
\

يا نايف مسلم حظرنا وانت غالي وإبن عمّ= بالله كيف نغيب عن دعواك وأنت من الجذول
العزوه اللي كاسبين بفعلهم قولت نعمّ= أهل القيم / وأهل الشيم / ساس الكرم / وأهل الفعول
متوارثين الجود ورث أجدود هامات .. وهمم= الحين وأول بالزمان اللي سواليفه تهول
مايذبحون الا المفاريد ومتاريس الشحم = الجزله إلضيفانهم ماهي لجلاب(ن) يجول
ياطيبهم للطيب وبوقت اللقاء نار بعلم = يشوفها اللي مايشوف وفعلهم ماهو بقول
كبيرهم على المراجل والمعزه منفـطم = وصغيرهم يمشي على منهج كبيرين العقول
من حام بحماهم كرامته المشوك وإن سلم = ماهو بخير وهقوته إن عاشها عاش إمهبول
يزبّـنون اللي زبنهم لو طليب الثار دم = لوجيههم هيبه تفك ارقاب وتقـدم حلول
وكل العلوم الغانمه لهم بها حق وقسم = المدح فيهم يبتدي وبفعلهم شعري يطول
لكن هنا بالمختصر ياوقتنا يامحترم = سلام تسليمة وفاء للأهل الوفاء بحفل الجذول
أقولها بعد المهم وأختم بقول الأهم = ( مبروك يانايف ) وصلو كلكم على الرسول

* عايد السميري
4 / 8 / 1431 هــ

الشاعر الجميل / عايد السميري


صح لسانك ..

نص جميل بل أكثر ..

ويستاهلون ..


وانا اجد فرصه في هذا المكان لكي اقدم اعتذاري لغيابي عن هذه المناسبه



بسبب الظروف الملمه بي ..


ولقلب نايف و محمود والجذول جميعهم اجمل



محبتي

أسعد السحيمي

الشاعر الجميل / عايد السميري


صح لسانك ..

نص جميل بل أكثر ..

ويستاهلون ..


وانا اجد فرصه في هذا المكان لكي اقدم اعتذاري لغيابي عن هذه المناسبه



بسبب الظروف الملمه بي ..


ولقلب نايف و محمود والجذول جميعهم اجمل



محبتي

أسعد السحيمي

الغالي / اسعد السحيمي


وجود أسمك فقط يضئ متصفحي

الله يسعدك

والف شكر لكــ

اللهم صلي وسلم عليك يارسول الله
.
وسبعة أنعام فالجذول .. وهم في غنى عن مدحي
.
ولاهنت ياعايد على القصيدة
.

أشهد بالله أنهم أهل قيم وشيم وساس للكرم واهل الفعول

ونعم بالجذول كلهم من أكبرهم إلى أصغرهم

ويعلم الله لو ابي اكتب عنهم يبيلي متصفحات عشان اوفبيهم حقهم


عايد السميري


يروق لي ماتكتب دائماً ورب محمد


أطيب المُــنــى ،،

صح لسانك اخي عايد السميري
قصيدة رائعه
ويستاهلون الجذول ونعم الرجال
ومبروووك الزواج لأخينا نايف