لُقمَة مُواطن تِنّزع مِن على الفَم
مَاني بشاعر بَس إنسان مهتَم=بصِدق المشاعر حَتى لو كان عِيبَه
عُمرك سِمعت الظُهر بالليل يلتَم=هذا رفيق(ن) إنّسى منه طِيبَه
حنّا بزمان الكم و الصدق ابكم=الراس شاب و إنحرم منه شيبه
حِنّا بزمان السِّم ينقال له سَم=و الحق مات و إنقتل من طِبيبَه
لمّا إنقتل ما سَاح مِن داخلَه دَم=سَاحت أوادم إشتكَت مِن مُصيبَه
لاصَار موج الكذب في سَاحل الذَّم=كالكافر اللي مِلتهي في صِليبَه
لاصار أهل الأب لَه آخر الهَم=و لغير أهل الأب هَمّه و جيبَه
فِي أرضِنا وَرد(ن) مِن الغيرِ ينشَم=ورد(ن) نشوفه ماقدرنا نجيبَه
لُقمَة مُواطن تِنّزع مِن على الفَم=راحت غريبه في بلاد(ن) غريبَه
غَنّيت قاف(ن) بَعد مَالبال تَمتَم=أسقيت بيت(ن) من عنا الحال خيبَه
فِكر(ن) تكلّم بعد حِس(ن) تألَّم=و الله أعلَم زارت النّفس رِيبَه
رِزق(ن) تِقسَّم إرضَى فِيه و تِبسَّم=مِن خَان عَهدَه حَسبِنا الله حَسِيبَه
من خربشاااااتي
و لكم
ودي
خالد البلوي
رد مع اقتباس
المشاركة الأصلية كتبت بواسطة خيالة بلي
المفضلات