الــمـواهــيــب
السلام عليكم ورحمة الله وبركاته
أسعد الله جميع أوقاتكم بكل خير
نفتخر جميعنا
في ربعنا عشيرة المواهيب عامه بكل رجالها كجميع عشائر قبيلة بلي العريقة
وهذه القصيدة تخص من عشيرة المواهيب
الشيخ منصور بن صالح بن دغيمان الميهوبي
وربعه فخذ العبيد من قبيلة المواهيب
وقد وجدتها في صدري بعد أن تشرفت في حضور
حفل زفاف الشاب ثاني حماد بن دغيمان الميهوبي
بعد دعوة كريمة من أخي وصديقي الشاعر القدير محمد بن سالم الميهوبي
وما سيأتي في القصيدة هو أقل مما يستحقونه في قناعتي وقناعة غيري
في الماضي والحاضر ويستحقون أكثر بكثير مما سيأتي
.
.
.
من منطلق ود ومعزه وتقدير=كتبت مع إني من قصوري أخاف\
الشعر في سطحيّه إن بان تقصير=ما في عميق الصمت تكميل وإنصاف
لا صارت الجزله علي واجب أصير=مثل اللي إن ما قام في واجبه طاف
واللي تفوق أوصافهم كل تعبير=هم غاية المعنى وهم وجهة القاف
هم كاسبين ألأوله دون تأخير=هم عاطرين الصيت مع كل هتاف
هم المواهيب وقصيدي لو يطير=ما هو بلاحق وصف وافين الأوصاف
الأكرمين الغانمين المناعير=المعتلين بفعلهم كل مشراف
في حاضرات ومقبلات ومدابير=ميقافهم في ساعة الجد ميقاف
إثقال ميزان ومكانه وتأثير=وفزتهم لصوت النداء فزة إخفاف
يوم العزاوي والتحام الطوابير=فزعة ( هل الحيزا ) عن جيوش وأحلاف
سقم العدا ريف الضيوف المسايير=أنا أِشهد وكلن سمع عنهم وشاف
أمّار واللي في ضيافتهم أمير=هذي سجاياهم من أسلاف الأسلاف
من طيبهم بأبسط عباره وتصوير=ضيفانهم تحسبهم ملوك وأشراف
مداتهم من جودهم تقل تبذير=لكنها طيب وسخاء ما هي إسراف
ما ينظرون أهل الكرم للمخاسير=راقين نظرات ومضامين وأهداف
منهل ماعمر وروده أقفت مصادير=قدام يرويها لو سنينه إعجاف
إلهم مع القصيد أسوق المعاذير=لان الغزير إحساسي وحرفي الجاف
والشعر ما يصبح مثل جمة البير=لولا أن أبو صالح بحر ما له أطراف
وأنا من أجله لو قطعت المشاوير=جت له مشايخ ما هو حضوري الحاف
الشيخ منصور بجميع التعابير=منزلته منيفه ومبداه نواف
كبير مقداره ما يحتاج تكبير=في صدري اللي مثله صدور الآلاف
منصور شيخ أهل الوجيه المسافير=وهذا اللي بكل المواقف له يضاف
همتهم تسخر له الصعب تسخير=وفي مثل ربعه ما على مثله خلاف
في حفلهم حلو النبا والمباهير=معه الجزيل أضفى على كل الأطياف
واللي لهم ود ومعزه وتقدير=في حقهم دايم من قصوري أخاف
.
.
.
تحياتي
رد مع اقتباس
المفضلات