الشاعر/ أحمد سليمان الرشيدي ..( من هجوس الشعر )..

مـسائكم // صباحكم

عسل

أقدم لكم
جديد
الشــاعر / أحمد سليمان الرشيدي

من هجوس الشعر والدنيا تجاريب وعبر
خاضها قبلي كثير ويمكن أن بعدي كثير
لو يعيش الرجل مايملك معى همه صبر
كان يمديني أقول لصاحبي ( ياعم طير )..
مشكله لا صرت طيب والبلا حظك غبر
عيشتك طارد سراب وداخلك مكتب وزير
الطريق أقرب من الدمام لحدود الخبر
بس من خطط معي للدرب عيا لا يسير
العرب قالو يبي يزعل وينسى لا كبر
والمصيبه كيف ينسى لا أنجرح شخص(ن) كبير
الخطا شبرين بس المغفره واحد شبر
والبلا لا جات بين الجرح والأول والأخير
ياوجودي كل مابقعى علي ردت خبر
وقلت يالله في ذرى رحمتك عن ضيقت عصير
وجد من ضاقت عليه الأرض جو وبحر وبر
نام بالدنيا بخير وقام بس ماهو بخير
خانت أيامه وجاه الضيم ضيف ومنثبر
وكمل الواجب على الضيفه وقلطه المصير
ياولي العرش يارب البشر ياذا الكبر
ياسميع وياعليم ويابصير وياقدير
طالبك تجعل مقامي مع أهل تقوى وبر
وسائلك بآخر حياتي لا أنتهى عمر المسير
بالثبات أن مت أجرني عن عذابي بالقبر
وأحمني في يوم ما عنه ( مفر ولا مطير )..
عشت بالدنيا فقير أسعى ولا عندي دبر
غير حلمي والزمن مايرحم أحلام الفقير
دفتري حزن الليالي وأثقل جروحي حبر
مانشيته ( قد سئمت العيش أو يال المصير )..
وأنت يلي في شوارع سهرتي طيفك عبر
مانسيتك لو نسى الأسلام موسى بن نصير
خابر طعونك وأظنك منت ناسي وتخبر
كيف كان الوقت غير وصار هذا الوقت غير
قم تمخطر بالقصيد أجبر كسر وأكسر جبر
قم فداك الفاتنات وكل من تلبس إقصير
بكتبك عبرة حياه وليت منها تعتبر
دام شعري حيلة وصالك فلاني مستخير
أتغزل من تواضع رمش يحق له كبر
لا أنثنت فتنه من الدنيا على جال الغدير
وأتدرج في قوائم جسم مايفتل شبر
خصر ضامي وأن نزلت شوي شبعانه كثير
هيه وألا هوه غنا يوم رحت ( أسمر عبر ) ..
عاشق(ن) ظلك سماه وعنك مايقدر يطير
من لحن ريشة عبادي يوم ماغنا ( الصبر ) ..
شوفني نفس المواجع مع عبادي بالوتير
يالوي كبدي عليك وياسبر حالي سبر
من عرفتك وأنت آخر أول وأول آخير
يالغياب اللي كسر قلبي وأنا مالي جبر
وين ما أسافر أشوف بكل بلد عندك سفير
تجربة تلميذ فيها كنت شبه المختبر
وأختبرني وقتي القاسي على جمر السعير
لو برى المرضان بعلاج أو على دق الأبر
مابرى جرح(ن) أكنه منك في وسط الضمير
لي متى سود الليالي عنك ماردت خبر
لي متى بطرد سراب وداخلي مكتب وزير
ومن هجوس الشعر والدنيا تجاريب وعبر
قلت ياوقت التعاسه من غضب ياعم طير
.. وســــلامـتــكــم ..

سلمت وصح لسان الشاعر ولاهنت على النقل

لك ودي