رســــالة قبيلــة بني رشيد للشاعر/ منيف بن منقرة البلوي
أعزائي زوار وأعضاء هذا المنتدى العريق الشامخ
السلام عليكم ورحمة الله وبركاته يسرني أن أنقل لكم مشاركتي في زواج أخي وصديقي
الشاعر منيف بن منقرة البلوى وعسى أن تنال رضائكم وأستحسانكم ..
أخوكم / الشاعر سالم سلمان بن معاود الرشيدي شاعر رابطــة عبس العالمية .
سلام مدام المشاعر حية=تسليم شاعر مطلق الحرية
شاعر يعبر عن طناخة رأسة= فالحفله اللي ماهي بعادية
ولابرجال قصور لكن دايم=أطرب لصب الشعر والقافية
ومنيف داعيني ولالي صدة= بيني وبينه صحبة خصوصية
يشهدعليها الله وخلقه تشهد= وضح النقاء طبعه وطبعاً لية
صاحب عزيز ولادعاني جيته= ولاجيته الا بدعوة رسمية
جاني أتصالة قلت سم وحاضر=وكتبت فيه أسمى الشكر فورية
ويأبن مناحي بيض الله وجهك=أقولها مردودة ً مثنية
والله يبارك لك بكل أفعالك= وبالمال والاعمال والذرية
وأنا رشيدي لاحفظت الخوة = أبصم عليها في كفوف أيدية
وصاحبك تدري وش مكانك عندة=أنك مكان أخوة وأبناخية
لازمتني بالطيب مثل ظلالي= وطيبك جبرني أني أجيك هنية
ودعواك بالتلفاز بث مباشر= في شاشة الساحه مهي مخفية
عممت بالدعوى وكلً جالك=لانك زعيم وتمتلك شعبية
ومن حبه الله أحببوة العالم=ومحبتك بصدورنا مبنية
شاعر وجمهورك حفظ تاريخك=وغير !! الشعر فيك الرجولة حية
وبعض العرب شاعر ولو هو شاعر= مايملك الا ميزةً شعرية
لامنومسً ربعه ولامجملها=ولالة قبول مع العرب مولية
ولا أنت مقدم قوم من يجهل بك= لاخير في خالة ولاافابية
أسمك يعبر عنك لانك شامخ=بالفعل والبطاقه الشخصية
وبأقول لك بيتً وأنا كد قلته= لمعزبي أب سعود راع الهئية
أهديت لك شعري ورميت عقالي= وبانت بوجهي للفرح مارية
وللبس عقالي!!! لينك تصفقلي = ولا أرمي ألغترة مع الطاقية
وأستاذنك يأتأج راسي أبخاطب=الحاضرين بروحن رياضية
ومن لايعرفون الصقر يشوونة=وعندي عبارة ولاهي أنانية
وعيبً على الرجال يمدح نفسة=ولاهو غرور الاثقة شعرية
أسمي وأسم ربعي ووش عنواني=هنا التعامل واللغه علمية
سالم أبن سلمان أمثل ربعي= بني رشيد وعزوتي عبسية
وكل القبايل والنعم مألحقها= الا بخير وفي صلاح النية
وأبناء رشيد محملتني رسالــة=لنا عرب والدولة سعودية
أطيب سلام وبارك الله ألكم =وبأأقه تهاني ومفخرة وحمية
وبـــلي أصدقانا وأنتفاخر فيها= ومن بيننا حبال الوفاء مثنية
وجمهور شاعركم يشارك حفلة=وأمجادكم بصدورنا محمية
والله يبارك للعريس وربعه = بالمال والاعمال والذرية
رد مع اقتباس
رد: رســــالة قبيلــة بني رشيد للشاعر/ منيف بن منقرة البلوي
.gif)
المشاركة الأصلية كتبت بواسطة عبداللطيف محمد الحمراني
المفضلات