إتمخطري يا حلوه يا زينه !
.
تثور النفس مهما كنت هادي=وفكري شعر ويديني زنادي
مرور الوقت علّمني بأني=مزيج أفكار وإحساس ومبادئ
ولدت إنسان عادي في حياتي=وبرحل منّها ماني بعادي
أبرحل تاركاً للروح بصمه=مدام الحق والإيمان زادي
فلا لي عيش لو خالفت أرضي=وكلي طيش لو اخذل جهادي
صرخت بكل صوتي من محبه=بلادي .. يا بلادي .. يا بلادي
" لقد أسمعت لو ناديت حيّا=ولكن لا حياة لْمن تنادي "
يا جده يا عروس البحر الأحمر=يا شدّه ساكنه بأقصى فؤادي
خذوكِ من عريسك ! .. من عريسك ؟=من اللي لوّن أيامك رمادي ؟
من اللي مر جيدك وغتصبكِ=إلين الدمع حّدر كل وادي
من اللي لطخ الواقع بدمعك=ألا خابت من وجيه وأيادي
نشوف من الضحايا والمناظر=ثلاث أبعاد والواقع أحادي
غدى تقسيم أروح الضحايا=نهاية " قيم " سهرات ومنادي
إخذّنا بالضحى من دون حيله=ولا هي بالرماح وبالهنادي
إخذنا بالنفاق وبالعلاقة=و تمرير المصالح والتمادي
يا شيخ القوم ياللي لك مهابه=ورم هالغش مستشري وبادي
تكلمت وكلامك ينحسب لك=ولكن جّدت علومٍ جدادي
قلوبٍ غرّها التفكير الأوحد=تشوف الناصح بأرضه معادي !!
مثل من شاف غادي عن دروبه=ومع هذا تملئ بالعنادي
قبل أقنعه إن هذا طريقه=لزوم أقنعه إنه شخص غادي !
سكتنا العام الأول قِيل كبوه!=وهذا العام وش فيها الجيادي !!
بلينا بالكديش اللي تفرّعن=فـ طفقاً بالرقاب وبالأيادي
يا بومتعب وأنا يقلق منامي=غيابك .. كيف لو غابت بلادي !
.
رد مع اقتباس
المفضلات