يانــهـر دجــله وش حصـل ..؟ علَم النيل

السلام عليكم ورحمة الله وبركاته

نص جديد أتمنى أن يرتقي لذائقتكم
/

البارحه كان أجتماع المهابيل = وأنا الوحيد اللي بهالوقت صاحي
في ليلة(ن) مامر بي مثلها ليل = على عرب سات إبــــ / جميع النواحي
أكشف غموضي وأرتشف غامض الويل = وأرمي على صدر الزمان أقتراحي
ومابين شيل وحط ( لا ) حط ثم شيل = تاهت بي الخطوه وزادت جراحي
أعدل الأفكار وتعّود تميل = وكآن من حولي يدوّر طياحي
ومن نظرت الواقع بدت قلّت الحيل = ولسان حالي قال : تم إجتياحي
أثر صحاياني مثل كذبة أبريل = وأهبالهم خطه لسرقة سلاحي
وأنا مسريها ياشقرا مع الخيل = وصبحي مساي وغارتي في مراحي
وكنت أحسب الأيام دايم تساهيل = وابعد طموحي للمكان السياحي
واليوم أشوف الموت وصل الرجاجيل = تدمير(ن) مدبر إبفرض الصياحي
وتطيح روس بحجة نريد تعديل = والتفرقه ضعف وخضوع إستباحي
يانهر دجله وش حصل ..؟ علَم النيل= عن طهرك اللي صار مسبح إيباحي
وعن قصة أبو غريب / عن عز / عن جيل = سولف ونفس الوضع غزو(ن) إصلاحي
والفُرس قوه لو تهدد إسرائيل = تقياء / وهم أخوه بفكر أنفتاحي

* عايد السميري
الجمعه
6 / 4 / 1432 هــ

عايد السميري . .




طاب لي المقام هُنا ولن أخرج إلا أن تحفظ عن ظهر قلب



صح بوحك


أطيب المُــنــى ،،

عايد السميري صح لسانك

عايد السميري صح لسانك

ابو عبدالله

صح بدنك اسعدني مروركــ لهذه الصفحه

شكراً لك

عايد السميري . .




طاب لي المقام هُنا ولن أخرج إلا أن تحفظ عن ظهر قلب



صح بوحك


أطيب المُــنــى ،،

سلمان العرادي




سعدت وتشرفت بمروركــ لهذا المتصفح


من القلب


شكراً لكــ

الشاعر عايد السميري

صح لسانك يالغلا

..
وينك طولت الغيبة ... وسلم على عادل

كل الود