نامت .. وانا توّي
نامت وانا توي صحيت آخر الليل
ودي سهر والحب وده ينامي
وجه التعب مقبل وأنا ناطحه حيل
أمد كفي ولا يرد ...السلامي
هذا وأنا راس العـرب ماني الذيل
ولا تسبق أفعالي سواتك كلامي
جيتك وفا مكتمل كني..السيــــــل
أمشي الرمضا.. وحافي أقدامي
لكن عتبت اليوم. بالحيل بالحيل
لانّي وردت البير.. والبير ضامي
أبغى دلال العز..زايد بها الهيـل
أبغى أتقهوى علم لك صار حامي
طرّشت للغربة على سبّق الخيل
لانّي عنيد الراي ومدرك.. حزامي
سميتك الظلمى وأنا نجمة سهيل
وإن غبت صدّقني غشاكِ العدامي
الشمس تطلع وبعدها يقبل الليل
والاّ أنتِ ليل..وليل وكلك ظلامي
الشاعر\محمد بن عبدالرحمن الفريعي ـ رحمه الله ـ
رد مع اقتباس
المفضلات