ألا والز قلبي لز لزة لازياً ملتز

يقول اللي سمك واهتز به رمح الهوى وارتز = يرزه زارق الزاروق بالزرقات رزازي
ألا والز قلبي لز لزة لازياً ملتز = يلز الزور لز اللي لزاه من الزمن لازي
يهز الزور هز ومن هزيز المزوي المهتز = تحت لز الضلوع انلز لز ولاز ملتازي
ولا وحز قلبي حر حزاً من زمان وحز = جديد انحز حزه حزها بالزند حزازي
تزوى ونزوى زوية زاوه الزامي المعتز = بعزه وعتزازه وعتزالب معتزٍ عازي
عزا عني عزا عازي عزيز بزولها المرتز = توزى ونزوى بالزين عني عازيٍ وازي
وزمّيت الخفوق بزند زمّت زاندٍ ونمز = مزا بين الزوايا مزة اللي مزها بازي
مزاها مزةٍ وليا مزاياها تطب اتنز = تمزع زورها ها زنمزع ونزاع ونمازي
مزاه اللي مزاه أعجز عزاه وهز عرشه هز = هزيز غصون موزٍ من هزيز الريح تنهازي
وبز الدمع بز وكنه البزبوز يوم انبز = يبزبز من بزيزه بز ما يشفيه بزبازي
وزرت بزورتٍ من زود سقمي ونتبزت القز = القز الدرب قز اللي قزا نومه وهو قازي
وزادت زفرتي زفرات وندزيت يمه دز = ودزيت الدزيز ودزني وياه دزازي
وكزيت من الزعل ونشز زوري شزتين وشز= كما شز السهم زور الجزيل العازل الجازي
وتعزويت وعزيت بواحدٍ لاغير جل وعز = غفور الوزر يغفر زلتي ويعز مركازي

الشاعرعبدالله بن احمدبن صالح المعيقلي

ياسر حمدان

صح لسانك ولسان الشاعر عبدالله احمد

قصيده صعبه تذكر ني يقصيدة مساعد الرشيدي زواني


تسلم ابوحمدان على النقل والاختيار


وشكرا

ياسر حمدان



صح لسانك ولسان


الشاعرعبدالله بن احمد المعيقلي

صح بدنك اخوي عبدالله
الله يسلمك
اذا كان تقصد على قصيدة
زواني مازوازيدٍ وزلبني زمان العز
هذي لياسر التويجري

اخوي ياسر...قصيده بروعتك ايها الرائع....لاجد الا شكرك لاتحافنا بها ...فلك القلب......وصح لسانك ...ولسان الشاعر ..عبدالله المعيقلي......

اخي العزيز
ياسر البلوي
سلمت ودمت على الاختيار
والنقل
وصح لسانك ولسان
شاعر هذه الرائعه