ترى الصقر ياابنت يكفيه تلويح

قصيدة اعجبتني

//
//


يبقى الجبل راسى ولو هبت الريــــح
ماحركت به شى مادام راســــــــــــى

والجادل اللى ناوي(ن)بالمراويـــــــح
لايحسب انه لانتحى هـز باســــــــــى

ولايحسب ان دمعات الاعيان بتسيــــح
كلى شموخن والسحايب مداســــــى

ماهو صلاة(ن)لى ولاهوب تسبيــــــح
ولا هوب سيد لى ولا أعز ناســـــــى

مايدرى انى من شيوخن طحاطيـــــح
يحوانى من عااند الراس قاااســــــى

ماهوب اللى لارتكى عود يطيـــــــح
وثوبى على قدي ويزهى مقااســـى

ودعته الله عد وبل المراويــــــــــح
واعداد مايشمخ على النو راااســى

ترى الصقر يابنت يكفيه تلويـــــــح
يوم الغبى من قل فهمه يقااســـــى

يـابنت لوعاف الهوا رقصة الشيـــح
ماعافت القيعان ثقل الرواســـــــى

وكان النهر قد عاف طبع التماسيح
بألعـب معك لعب الهوا بالكرســـى

ماجيت اباقلب صفحة الحب تجريـــح
ولانيب من عهدن قطعنا بناااســـى

ولاجيت اباشكى صدة(ن)منك واصيح
واهدم صنم حــب(ن)بنينا بفاســـى

ولانيب من فرقى هدب عينك مريــح
لاوالله الا..شفت منه المأأأأســـى

ياكم شكى مالحب قبلى مجاريــــح
لـكــن..غلب جرح الهوا طيب ساسى

ومادامك انتى رايحه ف.الله يبيــح
منك ومن جلسة هوانا وكاســـــى

قصيدة رائعة جدا بحجمك اخي الناي

لك تحياتي
محبك
عبدالمجيد الهرفي

أخي / الناي

شكراً لك على هذا النقل الرائع

وكم كنت أتمنى لو بحثت عن صاحب النص

للحقوق وليكن له نصيب من هذا النقل


شموخ جميل وإعتزاز أجمل

فقط لم يوفق الشاعر في الإرتقاء بـ ( لغة الشعر ).

فبض المصطلحات كان بإمكان الشاعر تجاوزها

إحتراماً للقائ وللنص

وبعيداً عنها

أكرر شكري لك

تحياتي
.