ونت عليلا بالفؤاد صويب (هلاليه)

ياونتي من داخل القلب والحشاء = ونت عليلا بالفؤاد صويب
ونت عليلا ناقل الشر كله = دريك حال ومن بلاه عطيب
محدا بلش في حالته وانتبهله = وحاروا به اهل العرف والطبيب
حتى غدت حاله وراحت صبابته = من عقب غصنه بالحياه رطيب
حتى غدت حاله تقل حال شنه = يبست وتركت في مراح عزيب
والا غصون البان لاطقها الضماء = في راس حيدا والرياح قبـيب
والا عويد البروقه طال وانكسر = من ويل حر الشمس واللهيب
والا يتيما دمعته فوق وجنته = مبلي ومبلي في ولي غضيب
عليك يامن تل قلبي وعذبه = وودع حشاي من بلاه خريب
غروا سلب حالي وعقلي وبهجتي = لانامت المخلوق لي قنيب
قنيب ذيبا حده الجوع والخلاء = يعول وينحب كن ماهو ذيب
يصبح وراء مرقب ويمسي بمرقب = رهيب ياهذا الزمان رهيب
والحر عن دار المذله يشومي = تلقاه في راس الطويل رقيب
ينفض غبار الذل يومه وليله = ماينخدع بالورد والغبيب
ومن لايعز النفس عن ماقع الرداء= ياقع وميقاعه بوسط قليب
ترى الرداء بيتا اركونه هدامي = ماينبني والياء انبنى يعيب
دائم محل السب والذم والخزاء = كئـيـب يبقى بالزمان كئـيـب
وترى الليالي شرها مستطيري = ولافيه بالايام شئ غريب
ياما ردت بالناس عاقل وجاهل = ماوقرت بالناس شب وشيب
تأخذ ولاتعطي وفيها استداره = قطاعتا للوصل والنصيب
الياء اقبلت تغري ردي المعرفه = يسرح ويمرح والكلام هبيب
ضحاكتا بالوجه غدارت القفاء = ماعندها حشمه ولاتوجيب
والياء ادبرت تصبح صفاتا محيفه = لواعتا من دون شك وريب
تقطع رجاء من يرتجيها بساعه = منها يشق الزند قبل الجيب
ياما سعت بفراق غالي وغالي = ماهمها ان هذا لذاك حبيب
وياما سعت بفراق طفلا عن امه = ياما وياما ولالها صحيب
وكم واحدا عقب المعزه أذلته = والضحك ضحكا والنحيب نحيب
ولاضحكتا غير البكاء متليها = من وقتنا الحاضر وقبل شعيب
ماتغني الدنيا وزين كنوزها = الزير سالم راح بعد كليب
مع غيرهم راحوا وخليت ديارهم = ماغير ذكراهم وشئ مريب
والناس تفنى والبقى للخالق = ولاحيا الا بالتراب يذيب
حتى الجبال الشامخه تتهالك = عقب الشموخ تصير مثل السيب
والمرجله ماكل رجلا ينولها = شيئا على بعض الرجال صعيب
المرجله تبغى عزائم وهمه = وتبغى لها صدرا من الرجال رحيب
والطيب بيتا مايطير ابه الهواء = يبقى لياء من الغراب يشيب
سبحان من قدر هذاك وهذا = كالفرق بين الضلع والشعيب
ويبقى صليب الر اي والدين والكرم = يبقون لون الجبال تجيب
يبقى صليب الراي يضرب به المثل = نجما على رؤس الجبال مهيب
والدين نوره بالدجاء يقتدابها = مصباح لون الجوم تغيب
واما الكرم عدا رواتا أوروده = العد يبقى والمكان جذيب
والاجودي لوقل ربه عوينه = لاصار جوده نابعا من طيب
الاجودي ماتنقطع في محله = الاجودي غيثا يهل قريب
الاجودي لاقال يصدق مقاله = لاقال قولا ماوراه تكذيب
الاجودي كلمه من الجود تؤخذ = الين ساس الجود ساس عريب
والحسد مثل النار تاكل في الحطب = نارا تواقد كلها لهيب
والقبر بيت الميتين الاول = يردم عليه من التراب كثيب
القبر بيتا لاحدين جنوبه = ماينفع التبعيد والتقريب
يما رياضا من رياض الجنه = والا عذاب مواصل التعذيب
وانشهد ان الكبر هو عيب الفتى = الكبر لله جل شانه هيب
وترى قليل المال محدا يريده = كلا يجنب سكته تجنيب
واما كثير المال مكثر جنوده = يامر وينهى تقل صاحب بيب
ومن لاستر خملات بالعين شافها = مايستحق المدح والتهذيب
الستر واجبنا وحتما علينا = من فيه منا ماب جاله عيب
الستر محمود العواقب كلها = ماعاد به شكه ولا تعقيب
الستر وصى به رسول الآمه = ومن يفعله يصبح عليه مثيب
ياساتر العورات تستر عورتي = أسئلك يامن للمسيل تجيب
ويالله عفوك ياكريما يطلب = من ساعتا فيها الصغار تشيب
تذهل بها العورات عما أرضعت = وتشخص بها الابصار بالترهيب
كلا تراه يقول نفسي نفسي = يامخطئا والا تراه مصيب
يالله ترحمنا وتلطف بحالنا = يارب عبدا تائبا ومنيب
يسئلك باسمك يامجيب السائل = خلقتنا ورتبتنا ترتيب
تغفر ذنوبا ماقدرت احصيها = يامكونا بالمرزمات حليب
ياعالما في عدنا واعدادنا = الحي واللي بالقبور ربيب
هذي نصيحة عاقلا ومجرب = والحر دائم للكلام لبيب
تمت وصلى الله على خير البشر = شفيعنا في ساعة التحسيب

تشرفنا وبكل فخر
بحجز
المقعد الاول
لشاعر من الوزن الثقيل
....................................


فصح لسانك وسلم بنانك على هذا التألق


ودمت بهذه الروعه

أبو عاطـــــف ..

ماذا عساي أن أقول ..

فقط جئت لأطرب مسامعي بمعانيك الساميه ..

أطيب المُــنــى ،،

سلمان العرادي

أبو عاطـــــف ..

صح لسانك ولاهنت منك
نتعلم اطال الله بعمرك
استاذ في دبلجة المعاني ..

تقبل تقديري واحترامي
ابونهار العرادي

ابا عاااااااااااااطف

دائماً مبدع

دائماً متميز

قصيده تعجز الكلمات عن وصف اعجابي بها


صح لسانك وسلم بنانك ايها العذب

دمت بهذا الجنون وهذا الشموخ



تحيااااتي


محمد الرموثي

عبدالكريم


فهل احصل على توقيع منك على الاعجاب مني لك

صح لسااااانك

ولك خاص احترامي وتقديري