يا ليل علمني ولا اقول علمت(لمنيف)

هذة من قصائد شاعر الشمال الكبير منيف شاعر المحاوره المعروف حصلت عليها من أحد ألأخوان وهي هديه للمنتدى

محبوبتي راحو بها عن بلدها= ومن عقبها فارقني النوم ما نمت
ويشين شوف المنطقه من بَعدها= خّيم عليها الهّم والغّم والصمت
ياليل فيك نجوم واجد عددها= لكن ليا غاب القمر عَنك ظلمت
ياليل وين اللي العذارى تحسدها= ياليل وين أمسيت فيها وخيّمت
يا ليل وين اللي وفت في وعدها= ياليل علمني ولا اقول علَمت
ياليل ريّح قلبي اللي فقدها= أن شفتها ياليل نمت وتطَمنت
يوم اقبلت فزيت واومت بيدها=وبغيت اقوم وقالت اجلس ولا قمت
راع الموده ينكشف لو جحدها= عينه تجيب أسرار قلبه وهوسمت

ياليل فيك نجـوم واجـد عددهـا=لكن ليا غاب القمر عَنك ظلمـت

من طول الغيبات جاب الغنايم هلاوغلا بـ حمدان الفريعي

فقدناك ياخوي

وتسلم يمناك على نقل الرائعة من روائع شاعر الشمال

صح لسانك وصح لسان منيف

.

صح لسانك حميدو باشا
..

قصيده جزله .. من شاعر فذ
..
تحياتي لك

..

بارك الله فيك أخي الغالي أبو حمدان على النقل وصح لسان قايلها

اخوي حمدان

سلمت على النقل المميز

وتقبل تحياتي

يا ليل وين اللي وفت في وعدهـا

ياليل علمنـي ولا اقـول علَمـت

ألف شكر لك ياحمدان على نقل القصيدة

صح لسانك وصح لسان راعيها

تحياتي لك

ودمت بخير