البارحه كني علي واهج النار=والنوم عيت لا تريده عيوني
قضيت ليلي في هواجيس وافكار=والعين تبكي غالياً مايهوني
شيخ المشايخ مكرم الضيف والجار=زبن الضعيف اللي وطته الديوني
رحل من الدنيا علي زين الاذكار=واللي بقو لابدهم يرحلوني
عساه للجنه ويبعد عن النار=برضاك يارب العطوف الحنوني
ولعل قبره روضته فيه الاثمار=وتضلله في ناعمات الغصوني
واصبر علي مقسوم ربي والاقدار=والله لينه راد شياً يكوني
وحوادث الايام للناس تعبار=لونهم بالغيب مايعلموني
كلام منهو ذايق مر الامرار=ومجرب الايام عسراً وهواني
ياالله ياعالم خفيات الاسرار=ياعالم اللي كان واللي يكوني
انك تعين للي علي الهم صبار=ولايبدي اللي بالضمير مخزوني
وصلاة ربي عد همال الامطار=علي الذي في سنته يقتدوني
الشاعر الشيخ : صالح بن محمد بن رفاده
مرثية الشيخ صالح ابن رفاده في والده الشيخ محمد ابن رفاده
رد مع اقتباس
المفضلات