مقتطفات من قصائد الشاعر الكبير / حمود بن سلمان السميري

تسلم على مرورك و ردك

بسم الله الرحمن الرحيم

مرحبا بكم يا اعضاء منتدى بلي

حبيت اشارككم متعتي بقراءة هذه المقتطفات الرائعة

للشاعر الكبير / حمود بن سلمان السميري

تفضلوا :

يا مكثر الاصحاب في ساعة الجد=مثل البيوت اللي تناثر عمدها
كم واحد لو قلت له سد ما سد=و علومه اللي بالسعة ما تجدها

_____

احفظ حقوق الوالدين الجلية =وصى بها الرحمن بنص الآيات(ي)
عمي و خالي كانهم والدية=لازم عـلي حـقـوقـهـم فـي حـيـاتـي

_____

عابر سبيل منقطع لا تعداه=بعدك توكد سيرته وش جرا له
لا يخدعك واحد سلاحه بمخباه=قاطع طريق و كل شر ٍ عدا له

_____

لا تنتظر بلـقمة ٍ لك تمــــدي=قدم يمينك مثل كسابة الجود
العزم يحلل بالحديد المصدي=و الا التردد فوت الفرض مسعود

_____

علامك على سرحان بالحوش راميه=و هو خاطره ينحاش روس المراقيب
ربطــــته و هنــته لين قلت هقاويه=خــليته نعـــامة نســـيت انــه ولد ذيب
و هو خاطره انك من الحبل ترخيه=يشوف الفضا لا انحاش وسط الجراعيب

_____

الشعر فيه الفن و الذوق و ادراك=و لا كل شاعر يتصف بالمهارة
و لا كل من يكتبك يا حرف يقراك=و لا كل راعي سيف ياخذ بثاره
و لا كل من حط لثناياه مسواك=ماشي على نهج النبي و الطهارة
و ان حبك الباري اخذ منك و اعطاك=و المؤمن الصادق تجيه البشارة
و الوقت ماشي سايره لو تحداك=و اصبر على صعود الزمن و انحداره

_____

اتمنى ان تكون اعجبتكم

اخوكم / فالح عايض السميري


كيف ما تعجبنا تلك الحكم المنظومه من جواهر
من شاعر تعتز به القبله واستاذنا
والاجمل
اخوي فالح نقلها لنا
تقبلوا الاثنان احترامي وتقديري
وعسى تنسيق يليق
بتلك الدرر
تحياتي
لبورايد