الروض

قصيدة سبق وان نشرت في جريدة الرياضية امل ان تحوز على رضاكم

يوم الحمامة جرت الصوت بالهون"=" والروض عشبه بالنسيم يتواما
والعشب كنه بافخر الطيب مدهون "="ريح البختري والنفل والخزاما
والشمس يبدي خدها من ورى مزون"=" والجو هادي والسحاب يتهاما
هاضت على قلبي هواجيس وشجون"=" صحت جروحٍ في ضميري نياما
وتواردن قلبي دواكيك وطعون"=" شرقٍ وغرب ومن جنوبٍ وشاما
وغنيت اجاوب ساجع الورق بلحون"=" وغنت تجاوبني طيور الحماما
وقام يتنقض بالحشا كل مكنون"=" والقلب ضامي والمشاعر حياما
وسهم المحبة داخل الروح مدفون"=" عدى اللحم وامسى بوسط العظاما
وين انت ياللي عندك العلم موزون"=" ودي تقهويني علوم النشاما
قصايدٍ يطرب لها كل محزون"=" ويلعب بها العاشق لحون الغراما

صح لسانك والله يعطيك العافيه

الشاعر زيدان البلوي

صح اللسانك يالغالي

اتحفتنا بفنك لك مني احلى وارقى تحيه ....

زيـــــــــــدان الهرفي ..


حضور ينسينا عتب الغياب ..

قمة العذوبه يابو علي ..

أرتويت شعراً ورب محمد


أطيب المُــنــى ،،


سلمان العرادي

هاضت على قلبي هواجيس وشجون"

" صحت جروحٍ في ضميـري نيامـا

هلا والله شاعرنا العذب

هيض - وصحوه

هاهو

الشاعرالكبير

زيدان الهرفي

تقبل مروري وتذوقي

لرائعتك

العذبه

وين انت ياللي عندك العلم مـوزون"

" ودي تقهوينـي علـوم النشـامـا

قصايدٍ يطـرب لهـا كـل محـزون"

" ويلعب بها العاشق لحـون الغرامـا

شعر مميز ويستحق الإشادة على شاعرية الشاعر المبدع وأشكر الأخ زيدان البلوي تحياتي