::الحمد لله حقق اللي تمنيت شفاء ابو خالد وكاس البطوله ::

الشاعر:خلف المشعان

كفيت ياليث الملاعب ووفيت
قد الكلام .. وماتقوله تطوله
ذي عادتك دايم اليامن تحديت
مافيه شي بخاطرك .. ماتنوله
مافيك حيله .. لاتعلو تعليت
يامعاندين الليث .. مانتم بحوله
ياللي بنا عقب الخساره تشفيت
نفقد بطوله .. بس نكسب بطوله
الليث خالد وافهموا فكرة البيت
خالد وخالد .. مايزول بسهوله
وراه ابن سلطان مهما تجليت
مقدر اقول اللي بنفسي اقوله
حتى لو اني طلت باشعاري الصيت
يموت شعري فيه مااشبع فضوله
عزالله اني ماظلمته ولااخطيت
يومٍ وصفته في سنام الرجوله
مهما كتبت من القصايد وغنيت
يخجل سحاب الشعر لحظه هطوله
ماعندي الا شطر واحد ومانشيت
(( خالد )) يكفي عن جماهير دوله
ياليت والا ليش ابقول ياليت
اللي تمنيته تحقق حصوله
الحمد لله حقق اللي تمنيت
شفاء ابو خالد وكاس البطوله

صح اللسان الشاعر خلف مشعان

ويستاهل الليث وخالد

يوسف الحمري

الف شكر لك يالغالي