من روائع الشيخ رشيد بن مرشد المطرفي (رحمه الله )

	سويت لي دله على كيف بالي *** لولا معطلها الخلا خوش فنجال مافيه ذارب غير شربي لحـالي *** وفقداي للي شوفته تشرح البال اللي ليا جا للسوالف مجــالي *** مثل العسل مجناه من روس الاجذال ان كاد جاء للعلم مراً وحــالي *** واحتاج للفتلات ياوي فتال سوالفه تصحي ذهين العيــالي *** والا الخبل مايفهم القيل والقال اليا لبس ثوبه حسين الخيالي ***لا شك ماهو للصعيبات حلال أليا هرج تنقد عليه الخبــالي *** عزي لابوه ان كان ماغيره عيال مدمن على الببسي قليل النوالي *** تلقاه دايم مع رديين الاعمال عايش على الحيلات والإحتيالي ***مايدري ان الله خلق شمس وظلال إليا نصحته قال مالك ومالي *** انا رجل وأنت من الناس رجال خلك على اليمنى ودربه شمالي *** لا تنصحه عن عيلة الرجل لو عال ترى ماهو من مبعدين المدالي *** جاه الردا من نية العم والخال موالف امه مثل كبش الرخالي ***أما المراجل ماتجيله على البال درب العلا ياسعود عسر المنالي *** هذا الصحيح وكل حاله لها حال وقلته وانا من ربع ماهم هزالي *** وقفاتهم تنفع اذا حدك الحال وصلاة ربي عد حصو الرمالي *** واعداد ما جانا من المزن هطال على نبي الله عزيز الجلالي *** شفيع الأمه يوم حضرات الاهوال

قصيده معبرة لما فيها من حكم

عساكم سالمين على العلم الفانم

قصيده رائعه من روائع المرحوم رشيد المطرفي

شكراً على النقل أخوي

تسلم
على النقل الجميل
جز بكل ماتعنيه الكلمه من معنى
بارك الله فيك
ورحم الله قايلها
ودمت بود

اهلاً بك عاشق الهمة

طبت وطاب مسائك بالخير

رائع ما نقلته عن الشيخ رشيد المطرفي (رحمه الله)

ونعلم ان لديك الكثير عن قصائده رحمه الله ونطمع بالمزيد

اخي
وجودك معنا هنا بمنتدى بلي ابهجني واسرني

ولك فائق احترامي

وقلته وانا من ربع ماهم هزالي
وقفاتهم تنفع اذا حدك الحال
.
.
.
والله وعشرة انعام

عاشق الهمه مشكوووور على هالنقل المتميز
نتمنى المزيد من روائع والدنا المرحوم رشيد المطرفي