نقاش للمتـزوجين ..( المتعددين ) خاصـه ...: طلقـني .؟ انتي طـالق طآلـق ..طآلق ..والسبب

والله التعدد مايجلب غير المشاكل أكثر من السعاده ...

مدام مقعد لامامي يبي له عدل ..!! كيف لاشياء الآخرى ... الله يعين ...( ولن تعدلوو)

ذكرتني في قصص بسبب المقعد الخلفي ...
من المتعددين ... اذا ساااافر واحد تركب بالامام 300 كيلووو وبعدها تنزل وتركب للاخرى .. ومن ثم وهكذااا ....

وفيه واحد كانو معزمين على زواج يبعد 90 كيلووو وحلفن مايركبن مع بعض
فوصل لاولى ثم رجع واخذ الثانيه ...( مسكين يبي يرضيهن والله )

احسن حلال فيه من قاله التعدد يجلب لك السعاده ..

وفيهم لا ... يجيد مسك لامووور فيه واحد لاولى هي بالامام دائما ولآخرى بالخلف....

بعضهم ماااشاااااء الله عليه والله زوجاتهم مايحسووو بالتميز انه الثانيه غير...

فيه جااااااااار عندنا متزوج أربع مشااااء الله يعامل زوجاتها لو كل الرجااااال مثله كاااااااااااان التعدد عااادي

وأكثر الحريم اذا زوجهااتزوج قالت اذا تعاملنا مثل تعامل ...ابو محمد لزوجاته هات ثلاث مش وثنتين ........

وشكرك اخوووي على الموضوع القيم

الأخت / نورة بلـي

اولا حيآك الله وعطرت متصفحي بتواجدك المستديم ..!

بآلنسبه بقولك ان التعـدد لا يجلب سوى المشاكل اكثر من

السعاده .. فأعتقـد ان ذلك حسب الرجل وحسب الزوجه الأولى

فهناك متعددين كثر يعيشون بسعاده غاامره وبدون مشاكل ..!

اما بلنسبه للي يمشي كم كيلو وينزلها ويركب الي بعدهاا طيب ليه

مآيخلي كل سفـريه لوحده تركب قدام .. ولو كانت الزوجه الثآنيه اكثر

نضوجا وثقآفتآ ووعـيآ لحترمت الزوجه الأولى ان كآنت تكبرها سناا ..!

طيب اذا كان الطريق الي جا دورها الأول طريق خالي من المناظر وطريق

ممل جدا وحبذت الأخرى فيهن ان تختار الطريق الذي يكون فيه مناظر جميله

واختلفا فكيف سكون الحـل ان ذاك ؟

لا اعتقـد ان مآذكرتيه كان حلا مقنعاا ..!

اما بالنسبه للي يوصل الأولى ثم يرجع لثآنيه والمسافه طويله

اعتقـد ان هذا ليس عدلا بل هذا ضعـف في شخصيته لانه يجب ان

يمسك بزمآم الأمـور فآلعدل يكون بمآشرع الله ليس بأتفه الأمور ..!

ولا يكلف الله نفسا الا وسعها ..!


شاكر لك اخت / نورة بلي هذا التواجـد العـطر والقيـم ..!

لك مني كل الشكر والأحترام الأخوي الصادق ..!

برغم انه ليس لي هنا لاجمل ولاناقه

ولكن استوقفتني قصة المقعد الخلفي والمقعد الأمامي

هل لا يزال هناك اناس ساذجون ..!!!

ربما قد تصل صاحبة المقعد الاول قبل صاحبة المقعد الثاني ..!!


( اللهم عافنا فيما ابتلاهم به )

حبيب البي

خذ هالنصايح ومعاليك من الي يخوفك من الزوجه الثانيه

وبعدين الشرع ما اجاز التعدد الا لانه فيه خير كثير ياحبيبي وركز على خير كثير

وبعدين زي مالحرمه تظغط عليك بالعدل ومين الى يركب قدام انت اظغط عليها ياحبيبي بانه مافيه كل يوم لاهلك مره بالاسبوع ومافيه زميلاتك لانه مانت مكلف بهالبشر وبعض الموديلات لاتلبسها وحضور زواجات برا القبيله ممنوع وهذا كله من حقك شرعا لين ماترضخ لسلام تجاهلها امام اهلها ولاتكلمها الا نادرا ولاتنقص عليها من حقوقها شي عشان ما تمسك عليك شيء

لين ماتطلب تتفاهم معاك وتقول وش الي مغيرك علينا خلنا نرجع زي اول ذيك الساعه


افرض شروطك بالعدل وراح تعيش حياه سعيده وزي هارون الرشيد


وبعد ذا ما لقيت نتيجه يعني زي ما تقول نوره بلي نتقابل بمكان عام واعلمك العلم الاكيد


اشكرك على موضوعك

اولا / حيآك الله اخوي العـقلاوي وصدقني اني فرحت بشوفتك

في متصفـحي بعد قرارك ان تخفف من المنتدى وعودتك اسعدتني ..!

بالنـسبه للـتخويف لا يوـجد هناك مخاوف من التعـدد ولكن هذا حـوار ونقاش

لمشكله تفشت في الأونه الأخيره ووددت ان اطرحهاا لكي نعالج لو الشيء

البسيط منهاا .. اما مسألة العقاب بعدم زيارة اقاربها وخاصه اهلها فهذا فيه

ظلم وقطيعـة رحم ولا اعتقـد ان هناك رجـل يعآلج النار بآلنار بل بعض الأمور

تعالج بآلحكمـه والعقلانيه .. اما الأسواق فأنآ سواء تعددت او غيره لا احبـذ ان

تكون لي زوجـه (سردادي مردادي ) لسوح رايحه جايه سواء بزوجه او اثنتين ..!

اما فكرة انصيآع المـرأه لزوجها فهذا امـر تشكر عليه لان من مات عنها زوجها وهو

راضي عنها دخلت الجنـــه ..!


اسعدني تواجـدك هنا لك مني كل الود والأحترام ..!

السلام عليكم ورحمة الله وبركاته
احب ابدا اولا بان اقول التعدد امر وارد بشريعه الاسلاميه جعلت له شروط وواجبات وذكر الله تعالي بنص
القرآني (ولن تعدلو )فالعدل اساس الملك ...؟اذا اردت أيها الرجل ان تصبح ملك (هارون زمانك )نفذ
شرع الله واعدل ......!!
العدل يشمل جميع الامور هذي حياة أبدية مو معتقل ...!!لاتروحين لاهلك ...لاتسوين كذا .....؟؟بطرق اجباريه
اين نحن من هدي المصطفى صلي الله عليه وسلم ولنا فيه أسوة حسنه كان يضع القرعه بين زوجاته للسفر معه
وهكذا....
لن اشطح بعيدا لن الموضوع عن المقعد الامامي والخلفي اعجبني تعليق الغاليه ياسمين مادري لي تجلس وراء يمكن توصل اول..؟؟ارجع واقول هذا يرجع للرجل اول واخيرا....اذا يعدل بين زوجاته......ويكون هناك اتفاق
مثلا كل مره وحده من نسائه تكون بالامام....تحسب لوقوع المشاكل ....وحسب مايتفق الاطراف اذا كان هذا الامر يسبب مشكله كلما خرجت معه نسائه...زاو مثل ماعدد يوصل كل وحده مشوارها بروحها التعب على الموتر
مو عليه ....!!
للمعلومية اعرف حريم للاسف حتى ام الرجال تخانق معاها اذا تركب قدام >وحده من النساء والله نزلت لأم
وجعلتها تركب بالمرتبه الثانيه ؟؟طيب وين الرجال هنا ....اذا هي مااحترمت امه وبوجوده ...ايش راح يصير بغيبته....اتوقع ان هذا كله يعود ...للتربية على الاحترام والتقدير ...يعود للرجل ايضا ومعاملته الجيده للنسائه
(أقتراح ) ليه الرجال المتعدد مايقول الغاليه ابيها بالمرتبه الثانيه عشان طول اليوم اطلعها بالمرايه :d
راح يلاقي المقعد الامامي فااااااااضي ....تحياتي

	اما مسألة العقاب بعدم زيارة اقاربها وخاصه اهلها فهذا فيه ظلم وقطيعـة رحم ولا اعتقـد ان هناك رجـل يعآلج النار بآلنار بل بعض الأمور تعالج بآلحكمـه والعقلانيه

اخي الكريم

شكرا على ماذكرته ولكن انا ماقلت قطع صله الرحم او انها ما تروح لاهلها انا اقول مو كل يوم عند اهلها او كل ماتبي زميلاتها تروح

لابد ان تعرف المرأه بما ان لها حقوق شرعيه فالرجل له حقوق كمان هو ولد ناس موجاي من الشارع


لابد الجلوس له بالمنزل ومراعاه ابناءه والاهتمام بالعائله ككل ويبي لما يرجع من شغله هلكان يلقى احد يشوف اموره مو بعد مايخلص من الشغل هلكان لازم يجيب ست الدلال من مشاويرها

احسن لها لاتتزوج ونشوف اخوانها يودوها ويجيبوها

الغريب في الامر اخي الكريم ان المرأه دائما تطالب بحقوقها وبسرعه مذهله تلجأ الى الشرع والاستناد عليه

اما عندما يطالب الزوج المرأه بحقوقه الشرعيه يصبح معقد وليه مايشوف فلان وفلان مريحين اهليهم وتلقى امها تقول والله من اخذته ماشافت الراحه بحياتها


اخي

نحن بحاجه ماسه لمن يحمينا من بطش النساء وتسلطهم بسبب وبدون سبب

الله يعطيك العافية على الموضوع ..

والله ترى التعدد زين لأنه يقلل نسبة العنوسه..

وتراه أحسن من زواج المسيار..