شيف الاسبوع رقم 5

أم على

تسلم يديك و اكلات شكله لذيذه

يسلمك ربي من كل شر
أخوي يوسف

حياااك الله
وهني وعافيه

وانتظر غدااا العصيده الطيبه
:d

يعطيـــــك العافيه ام علاوي
والله اكل خفيف وسريع
تسلمين ياقلبي وننتظرك

يعطيـــــك العافيه ام علاوي
والله اكل خفيف وسريع
تسلمين ياقلبي وننتظرك

يعافيك ربي ويسلمك عزيزتي
احب الاكل السريع والخفيف مو احنا في عصر السرعه :d
صحه وعافيه ع قلبك
منوره مطبخي يالغاليه

السلام عليكم

مثل ماوعدتكم اليوم رااح يكون طبقنا بعد خفيف وشعبي وهو

العصيده واكثر شيء احنا نسويه حق النفساء يعني المرأة الي توه والده وقايمه بالسلامه

علشان يغذيها ويغذي المولود << وش دخله

المقادير :
2 كوب طحين عادي ( مال الخباز ) اعتقد رقم واحد
7 اكواب من الماء
2/1 كوب سكر
دهن بقر للتزين

الطريقة:
يشفشف الطحين الى ان يصبح لونه بني فاتح يجب استمرار التحريك
( تقريبا مدة 7 دقائق )
ينخل بعد ذلك ليزال التكتلات
يوضع علية 4 اكواب من الماء ويحرك الى ان يختلط الماء مع الطحين ثم يوضع باقي مقدار الماء
( لا تضعي اختي الماء مرة واحدة لكي لا يتكتل )
يضاف اليه السكر ويخلط
ثم يوضع على النار ويقلب باستمرار
اذا اقارب على الاستواء ( اصبح متماسك ) اخفضي النار وحركيه قليلا
ثم يترك على نار هادئة مدة 10 دقائق

يوضع في صحن التقديم ويدهن ويرش يقليل من الدهن والسكر

طبعاا له عدة طرق للعصيدة

واحبه بالبيض اكل البيض واخلى العصيد

يسعد مساااء الجميع بكل خير

الليله رااح يكون عشانااا فيه زفوره اشوي
لكن طعمه انما ايه رااااح يكون

مجبوس هاموور وملطووش من قطر بعد
مجبوس وبالليل


المقادير والطريقه معا:::
هامور مقطع ومنظف ومغسول جيدا

نبهر الهامور بالبهار المكون من ( بودرة الثوم - بزار - زنجبيل بودرة - ليمون اسود بودرة - ملح - فلفل اسود - كمون و كزبرة محموس ومطحون فرش ) وعصير ليمون
ونخليه تقريبا لمدة ساعة
وبعد ساعة
نحمر الثوم المفروم في الزيت ونضيف عليه قطع الهامور

نرفع قطع الهامور والثوم بعد التحمير ونخليه على جنب

وفي نفس القدر والزيت نحمر البصل
ونضيف عليه البصل الاخضر والكزبرة المفرومة و حبتين فلفل علوب والبهارات ونحرك

نضيف الطماط المفروم والليمون الاسود حب ونحركه
بعد شوي نصف فوق قطع الهامور اللي رفعناه من قبل

ونصب فوقه الماي ونخليه يطبخ

بعد ما ينضج الهامور نرفعه بحذر حتى ما يتنتف
ونحط العيش المغسول والمنقوع في الجدر

اذا نشف الماي اخليه على نار هادية واحط الحديدة تحت الجدر حتى ما يحترق

واذا استوى نغرفه ونقدمه وهو ساخن احلى شي




صحه وعاااافيه

يعطيك العافيه ام علي

ماااقصرتي

روووووووعه هلاطباااااااااااق