الوقت والدين

يا مجندين الوقت للأكل والنوم =وش للعباده والعمل يأهل الألباب
تأملوا في بعد بكره عن اليوم =لاجاء الربوع السبت حضر على الباب
وعمر البشر محدود والرزق مقسوم =والأدمي محكوم بأقدار واسباب
وبالدين والدنيا ترى العبد ملزوم = والموت حق ويتبعه بعث واحساب
وبعد الصلاه الحج مفروض والصوم =ودفع الزكاه امع التواصل للاقراب
وايضا العمل مطلوب والدرب مفهوم =وحسن التعامل للقرايب والأجناب
قلته ونا ماني من الذنب معصوم = لا شك من واقع بعض ناس منصاب
والحر من راس الجبل يكسر الحوم = والبوم ينعق بالمساء فوق الاطناب
وبالمنتدى شفنا مجراة ونجوم = ونا لمع نجمي على صفحة اللاب
كلمة وفى ماهي سواليف وعلوم = لو كان قالوا مادح النفس كذاب

صح لسانك
شكرا لك وعلى الكلمات الرائعة

الله لا يهينك اخوي عبدالعزيز وصح بدنك

تشرفت

بمرورك المتألق

لك مني جزيل الشكر


ابو وليد
__________________

صح الله لسانك يابو وليد وجزاك الله خير على هالأبيات..

وكل عام وانت بألف صحه وخير

قصيده جزله بمعنى وفكر

شاعرنا / خالد السرحاني

سلمت وصح لسانك

انت نجم لامع ياخالد سالم كما قلت

والدليل هذة الرائعة التي تحمل العظة والحكمة