ياحمود

الملف الشخصي · 08-23-2009, 02:27 AM

ياحمود ابن سلمان ودي ودي = ودي أبيح بخافي السر ياحمود
يا حمود ما كل الموادر تودي= ولا كل من تنخا من القوم موجود
ويا حمود ماكل برايه يسدي =وأنته فهيم وعارف بمكسر العود
وناس تصوغ الهرج وناس تودي=وناس تخلط العلم من غير مقصود
واللي إلسانه بين جزراً ومدي=مثل البحر غدار ما وده شــهود
واليوم يا مشكاي لو باح سدي= لا تلومني و الصبر له قدر وحـــدود
وأيامنا مقبول فيها التحدي =ما دام ما فيها دراج النقــص و الزود
وعسى الردي ما يجيبه الوقت حدي = تعمل له الحسنى ويأتيك بالســود
من يرفع الشلفا وناوي يهدي =كانه شجيع بفزعتـه يكسب الفـــود
سوق الركايب و الركايب تودي=سود الليالي ما ثنت صاحب الجود
وأحفظ وصاة أبوي وخالي وجدي =ندرا المواقف و المواقف لها ردود