قصيدة عن غلاء السارات

بسم الله الرحمن الرحيم
السلام عليكم ورحمة الله وبركاتة
هذة القصيدة كتبتها عن غلاء السيارات الجديدة والمستعملة.........

لي موتراً خربان يطفي وأنا اسوق=والمشكلة بالليل نورة يحمر
مهرقلاً بودية والزيت محروق=من التعب ماشوف وجهي مسمر
دايم على السطحة يقلص بمعلوق=عند الورش ياليت ركضي يثمر
وسط الغمارة يطلع البيض مسلوق=تجي حرارة نار سمراً مجمر
مايشتغل وأبلشت العامل صفوق=دفة معي يابية عمك مزمر
واليا اشتغل تسير طاسة على السوق=سحباً بها دخان أزرق يعمر
لنة قبع تنحاش بالدبة خزوق=حسة تقل صاروخ مرسل يدمر
مع الشوارع لا ادخن ولا اذوق=خايف يجي ملقوف مسرع يزمر
ثم ارتبش والسيد سكر ومزنوق=يطفي عليا والأشارة تحمر
لولا الغلا من العام تلقاة مشنوق=بالمحرقة والطعس فوقة مغمر
سعر الوكالة زاد والطاق مطبوق=لاجيتها تحط رجلك مشمر
حتى المعارض سعرها مرتفع فوق=أن طولت ياليل غصب نتذمر
تبغى لها دفعة سريعة وصندوق=وان ماحصل خاطير حلمك تدمر

صح لسانك وسلم بنانك يابو سالم على هذه القصيدة الجزله التي امتزجت بروح الفكاهه

أطربت ناظرنا بقرائتها


أطيب المُــنــى ،،

سلمان العرادي

صح لسانك وعسى يرزقك بسيارة جديدة

الله يعطيك العافية يا بوسلطان

بصراحة أتمنى من الأخوان القائمين على هذا المنتدى العريق أن يخصصوا قسم لشاعر ناصر بن سالم

تحياتي لك

صــــــــــــــــــــــــــــــح لسانك