وينك يا سعود السحيمي وعبد الهادي لغز بدوي قوي

عليك فاتورة قيمتها 500 ريال

تسلفت من سعود السحيمي 250 ريال ومن عاشق أبو راكه 250 ريال
رحت اتسدد الفاتورة طلع المبلغ 450
يعني باقي معك 50 ريال
رحت ورجعت لسعود 10 ولعاشق أبو راكه 10
يبقى معك 30

مجموع ما تسلفته من سعود وعاشق أبو راكه 500 ريال

إذا كان باقي لسعود 240 ولعاشق أبو راكه 240 وباقي معك 30 من نفس الفلوس إلى تسلفتها منهم يكون مجموع المبلغ 510 ريال

السؤال
كيف طلع ناتج ما تسلفته منهم 510 وأنت أصلاً أخذت منهم 500 ريال

<<-- جالس يحسب صبرك علي

شكلها صارت معك يا سعود خشبة الحبس خشبت خمش خشيات وخششيه
هههههههههههههه

انت الحين اخذت من سعود وعاشق 500 صح

وسددت 450 الفاتوره اوكي

وبعدها رجعت لهم 20 لك واحد 10

وباقي معك 30 من الدين اللي انت اخذته من سعود وعاشق

ورحت وجمعت المبلغ المتبقي عندك مع الــ 480 وهذا خطأ

لأن الـــ 30 هي اصلاً محسوبه من الـــ 480 ومايصير تحسبها مره ثانيه

المفروض تحسب 480 وتزود عليها 20 اللي عطيتها سعود وعاشق ويطلع الناتج صح 500

اتمنا يكون حلي صح


ودمت بود

بس عشان سعود دائم يسدها في وجهي قلت أبغى أعقده

وينك ياشيهان

على فكره انا روعني العنوان

قلت وش انا مسوي هههههههههههههههه <<- خاف انه مسوى مصيبة