الى من يكتب التاريخ ويرويه

بسم الله الرحمن الرحيم

أخواني في هذا الصرح الشامخ الغالي على قلوبنا جميعاً

عندما تكون رواية التاريخ او كتابته مهمه سهله لدى بعض الناس

فيقولون مايريدون بدون تحري المصداقيه في كلامهم

فيهضمون حقوق الناس بجهلاً منهم واحياناً متعمدين

ولأهمية هذا الموضوع احببت ان اشارك بهذه الأبيات التي اتمنا ان تجد مكاناً بالقلوب بعد مرورها على العقول

ياراوي التاريخ عندك مهمه=سجل كلامي والكتابه امانه
مايقنع الرجال لفار دمه=قولة سقيم العقل خله وشانه
تبقى مصيبتكم كبير المعمه=وتبقى مصيبتنا حياة المهانه
بعض العرب لقال جاب المطمه=مايحفظ التاريخ الا هوانه
لاتروي التاريخ الا بذمه=ولا تغير التاريخ كله عشانه
مايكشف الرجال الا المهمه= ولا ينزل الرجال مثل الخيانه
ولا ينفع الرجال خاله وعمه=ان كان ماله مع هل الجود خانه
كم واحدً يشره على كل قمه=لكن عزومه ماتغير مكانه
متساوياً بالوقت مدحه وذمه=عايش على اطلال سابق زمانه
مكتوف يد وزود الوقت همه=مسموح لعيونه ويمنع لسانه
يوم اللسان يجيب للقلب سمه=وش خانت التمجيد بلسان خانه
مافاده التوزيع وان قال سمه=براءة التمجيد لنسان صانه
يوم البحر غنا على كل يمه=اخلا له الميدان واطلق عنانه
يمشي بها مافيه شيً يهمه=حتى اكتشف ان اعترافه ادانه
وصارت طموحه كلها وسط جمه=عكر صفاها ضحك سن وميانه
واللي تبعثر فيه صعبه يلمه=مدام ماله في زمانه حصانه
لصار جيش الشر دايم يعمه=وش خانته لو قام واسرج حصانه
سلم على الراوي باول مهمه=وقله سقيم العقل خله وشانه

وسلامتكم جميعاً

غازي بن دخيل الله السرحاني

صح السانك ابا ريان

مايقنع الرجال لفار دمه

قولة سقيم العقل خله وشانه

لاتروي التاريخ الا بذمه

ولا تغير التاريخ كله عشانه

وفقك الله الى مايحبه ويرضاه
والله انك صادق
حيث طلع ناس كثير اليوم يقولون كنا وكنا وهم لاكانوا لا اول ولا الان ولكن بوجود الصحافتين الورقيه والاكترونيه اصبحوا يكتبون
وكما قلت بدون ذمه
ولا يجدون من يقول لهم قفوا فقد اخطيتوا بحق فلان او القبيلة الفلانيه او الدوله الفلانيه
بل يمجدونه وينعمون لهم
انا لا اقول الا ( حسبي الله ونعم الوكيل في هولاء) ولا يصح الا الصحيح

صح السانك ابوريان

البعض يروي ويسند الى كتب غير معترف في مصدقيتها

ويخلط النسب

ولايرجع الى كبار السن المعاصرين

أخي العزيز/ابو مشعل

لك الشكر الجزيل على المرور الجميل الذي يعني لي الشي الكثير

أخي لا خير في شاعر لا ينصف شعره الحق وأهله

دمت بخير.

[blink][blink]الأخ ابومحمد[/blink][/blink]

تحياتي لك على المرور الجميل والكلمات الطيبه

وصح بدنك يالغالي.على الخير نلتقي

رائعة جديدة من روائع أخي الغالي / أبوريان

لاهنت و القصيدة تحمل جزل المعاني و هي تتحدث و تشرح نفسها

شخص ووضعت يدك على جرح آلم الكثير في هذا الزمن

فكلاً أصبح في التراث و التاريخ خبير دون أن يرجع الى أهل الخبرة و كبار السن

.

شكراً لك من القلب