ــ[[ بمناسبة عودة الجيش السعودي إلى تبوك ]]ــ

هلا بالسحاب اللي لفى من جهة جيزان=تبسم تبوك وتنثر الورد من شانه
سحاب الجيوش اللي إلى ناطح العدوان=يصب الغضب وبله على كل عدوانه
هماليل وبله فوق روس العدو نيران=يزيح الظلام إلى لعج ضوح نيرانه
جيوشاً تحط أجسادها درع للأوطان=إلى من تقدم فردهم زاده إيمانه
تدافع عن الدين الحنيف وملك له شان=وثرى موطن الإسلام مع خمسة أركانه
فا أما النصر والا الشهاده وريح جنان=وفي هذي وهذي بها النفس ربحانه
سندهم على العدوان ليث الوغى سلطان=يكيد العدو بالشور والعقل ولسانه
أسد في زمان الحرب وعند الرخاء هتان=ينوخن مطايا الجود بأحضان بيبانه
وخلف غضنفر لأجتول داخل الميدان=يذير العدو مايشره لقرب ميدانه
ابو فيصل اللي صار لأهل الشرف عنوان=جعل من ذرا مجد البطولات عنوانه
وأنا سعودي والسعودي إلنّه بان=على المعركة يحمل على مته أكفانه
ولا يسمح لذره من تراب الوطن تنهان=يثور بغضب و إلى فزع فزعو أخوانه
لأن الولاء يجري مع الدم بالشريان=من المهد حتى اللحد في دم شريانه
سلايل جذور المجد من كان حتى الآن=وتبقى وراثة بالدهر طيلة أزمانه
وعسى اللي بنى مجد الوطن وأسس البنيان=مع الأنبياء في جنة الخلد مسكانه
هذاك ابو تركي وحد الدين والعربان=وخلا الجميع يعيش بالأمن وأمانه
ومن بعده عياله مشو منهج الأيمان=حمى للحرمين ووطنهن وسكانه
وصلو على خير البشر من نسل عدنان=عدد مانبت بالكون من هلّة أمزانه

شاعرنا الأستاذ فالح السميري البلوي

صح لسانك ولك الشكر والتقدير

على هذه الأبيات الجميله المعبره

الشاعر الجميل فالح السميري


صح السانك وعتلا شانك قصيده جزله من شاعر جزل وممتع




مودتي

كلمة اقولها


دون مجاملة


انت مبدع


انت رأأأأئع

ننتظر الجديد بفارغ الصبر

الشاعر/ فالح السميري

صح السانك وماقصرت بيض الله وجهك والله انهم يستاهلون

تقبل مروري

ابو ماهر

ابو عمر

بارك الله فيك جيشنا يستاهل كل خير

لقد كفى ووفى

لك الشكر