احد درر الشاعر الكبير سليمان حمدان الجبيل

البارحه والخلايق في مهاجعها = دورت درب المنام وتهت من دونه
قعدت احسب نجومآ في مطالعها = كني مواعد بتال اليل مزيونه
وانا على هاجس بالكبد صادعها = اكنها كنة المضرم لغليونه
روابع الراس تثنيها وتربعها = ماطاعت هدو تال اليل وسكونه
استرسلت بالقصيد وقمت اسنعها =لين استفزت خفاي وجاب مكنونه
مواجعآ صايبتني ماتصنعها = ما تورد الشك للعطشان وظنونه
تمرني علقمتها وأتجرعها = خزينة من خزان الوقت مدفونه
بصدورنا للعلوم بطون تبلعها =عن نا قل القيل في حجة يقولونه
ان جت ذلول النسب تجمح على اربعها= يمكن تروح بثلاث وتمرح عيونه
لولا صدور اللبن بحلو ق رضعها = راحو خوال العيال بسعر يا هونه
روس تذب الرجوم ولاتفرعها = وش كسبها من رفيع الجال وحصونه
دنيا الفنا لو تبرك في منافعها = توردك جمة قراحآ غير مامونه
كم وردت كبودنا يبس مشارعها = وكم راحت صدورنا بالغيض مشحونه
حسبتها بنت حصن وسرجها معها _= ولقيتها بنت ثور سلاحه قرونه
لولا القصايد تدرهم لي واطوعها = واركي على جانبآ سقياي بمزونه
يشوفها مبعد النظره ويسمعها =وكنوزها مع ذهب قارون مدفونه

ابو ساري صح لسانك ولسان الشاعر
تقبل تحيااتي

الاخ محمد يعطيك العافيه وصح لسان الشاعر

ابوساري
قصيدة رائعة جدا وليست مستغربة من ابويوسف
الرجاء منكم أطلاعنا دائما على جديده فهو من أروع الشعراء الذين يجبرون
المتذوق للشعر ان يتوقف عند نصوصهم ولايمر عليها مرور الكرام

قصيدة جميله جدا" وتستحق الثناء صح لسان شاعرها ويعطي العافيه ناقلها