آآآآآآآآآآآهــــــــات حـزيــــــــــــن 00000

آآآآآآآهــــات حزيــــن

ياما من انواع المعاناه عانيـت = من هاجسا في خلوتي يهتويني
الهاجس اللــي مايخليني ابيت = ينصب لنومي عند راسي كميني
ماله دواء ياعيـن وإلا تداويت = غيـر ان رحمة ربنا تعتنيـــني
ياعيني اللي بيتتك التناهيت = ان كان ماطاب المنام اعذرينــــي
معذور لو اني على اخوي ونيت = اللي يشاركني بعسري وليني
ادله ولكنـي الى اخليت بكيـت = عبرات حزات الوداع اتغزيني
ودّعني الغالي وقفا وانا اقفيـت = من بعد ماصافح يمينه يمينــي
ماكنت في يوم من الايام ظنيت = اتفـرق الاقدار بينـه وبينــــــي
الله 0 انا اللي في حساباتي اخطيت = على الوعد بحسابي إنه يجيني
امــا يجينـي وإلا انا لــه تعنيـــــت = واما إحتريته والا هو يحتريني
تهلكني الحسرات لنّــي تطـّريت = ويسبق مراسيل العذل دمع عيني
ابكي على زين النبا عالي الصيت = سمح المحيا والخطاب الحسيني
ياكثرمن حسن الثنا فيـه عديـت = وياكثـر مايذكر مــع الطيبيـــني
وياكثر ماشفتـه بقلبــي وهليـت = وياكثر لك ياخوي لجــة حنينــــي
ماتنسي ياخوي لونـي تناسيــت = تبقى معي ذكراك في كل حينـــي
ياخوي ما مثلك من الناس حبيت = مــوالفك ولف الحسن للحسينـــي
ياعزوتي لنّــي بربعـي تعزويت = اللي بساعات الخطر يفتديني
ويـا منوة الخاطر لمنـي تمنيـت = شوفك وشوف اللي معك سالمينـي
ويارحمة الرحمن للحي والميـت = عساك في يوم العسر تدركيني
ياربي انت اعطيت واخذت واعطيت = انت الولي انت ارحم الراحميني
ارحم حبيبا عن نظر عينيى اتقيت = غيّـبت شوفه في بواقي سنينـي
ياربي اللي مالغيرك ترجــيت = عســـاه للجنــه مـع السابقينـــــــي
لولاي لمني تضايقت صلـــيت = وطلبت من ربي لنفسي يعينــــــي
ولقيت بكتابه عزاى وتعزيــت = وبشرتها ببشارة الصابرينـــــــي
وصلاة ربي عد من حج للبيبت = على محمد سيد المرسلينـــــــــي

في11/4/1432هـ

اللهم صلي وسلم على حبيبنا محمد..
الله يسلمك ويعافيك اخوي ..

يــــــاربــــــي الــــــلــــــي مـــالـــغـــيـــرك تــــرجــــيــــت

عـــــــســـــــاه لـــلـــجــــنــــه مــــــــــــــع الــســابــقـــيـــنـــي

ويرحم جميع المسلمين الاحياء منهم والاموات..

ودّعني الغالي وقفـا وانـا اقفيـت

من بعـد ماصافـح يمينـه يمينـي

ماكنت في يوم من الايـام ظنيـت

اتفـرق الاقـدار بيـنـه وبيـنـي

الله يرحمه ويصبركم

قصيدة مبكية ومؤلمة جداً

الأخ العزيز/ عيد قيضي الوابصي
السلام عليكم ورحمة الله وبركاته

اولاً احسن الله عزاكم في اخيكم سعيد وعائلته وهو ايضاً اخً لنا فلقد كان من اكبر واطيب مكاسبي في هذه الدنيا الصغيره قبل ان يصبح من اكبر خسائري في الحياه لقد كان نعم الرجل والصديق وكان بحر بالكرم والرجوله فلا اله الا الله كان اخر لقاء بيننا ولازلت اذكر ماقاله لي عندما دعوته لزيارتي في منزلي فقال(والله انك بلشه المره الجايه ارضيك اوعدك)لكن كانت المنيه اسرع اليه يعلم الله ياخي انني لازلت متأثراً بفراقه ولن انساه ماحييت وسوف اضل اذكره وارجو ان تعذرونا في تقصيرنا معكم لان من فقد مثل سعيد لا يلام على بعض قصوره فسعيد ليس بالرجل العادي لدي
(اللهما ارحمه واغفر له واجعل ماذهب اليه خيراَ مما ذهب عنه هو وعائلته والمسلمين اجمعين)
أخوك/غازي دخيل الله السرحاني

جوانا

الف هلا ومرحبا بحضورك واشكرك على مواساتك الطيبه

الله يحفظك

خيالة بلـــــــــي

الف هلا ومرحبا بحضورك واشكرك على مواساتك الطيبه


الله يحفظك