يالله ياللي تطلع في الخفيات***طالبك تسقينا من الغيث فوزات

هذه قصيدة للشاعر : سعود بن شاجع الدوسري . قالها مادحاً جلالة الملك فيصل رحمه الله واسكنه فسيح جناته ، ويقول فيها :

يالله ياللي تطلع في الخفيات "=" يا عدل يا عدّال ما كان مايل

طالبك تسقينا من الغيث فوزات "=" وتعز من جاله علينا جمايل

يوم اشتهى الله عزنا بعد ما فات "=" جانا لتقويم الشريعة دلايل

سلام يا سلطان نجد الصعيبات "=" سلطان مكه والمدينة وحايل

من حد صنعاء لــ الحسا والقريات "=" وشرهن على دار الكفر والظلايل

سيف العرب حامي الديار العزيزات "=" مشعل هل التوحيد عز القبايل

أعلاه ربي في الدراج العليات "=" سيفٍ على من حرك الباس طايل

أنا نذير للدول والقرارات "=" أهل السياسة مكثرين المحايل

هاذي الجزيرة دونها الموت حومات "=" اسلام ونفوس بلهاء سبايل

ياما عطا سلطانها من عطيات "=" و ياما اغتنى في سبته من قبايل

ياما فرق ما بين روس وجثات "=" و ياما غدا به مرهفات السلايل

الكذب ما ضوا حصيل وهقوات "=" مطيته من خايبات الهزايل

هاذا جواب اللي تمثل بالابيات "=" الدوسري و ان قيل رد المثايل

واذكر اله العرش رب السموات "=" يعينكم يا مدركين الجمايل

(( وســــلامــــتــــكـــــم ))


وسامحوني على القصور

علي الهرفي

لاهنت على القصيدة
وصح اللسان الشاعر سعود بن شاجع الدوسري

عادل العبيلي

صح بدنك والقارئين (السامعين)

علي الهرفي صح لسانك وصح لسان سعود الدوسري
الله يرحم الملك فيصل

لاهنت على النقل الرائع

اخي

علي الهرفي

كل عام وانت بخير

ومشكور على نقل هذه الرائعه
دمت بخر
ودام وجودك
_______
عايد السميري

مشكور على النقل
اخوي /على الهرفي وكل عام وانت طيب
نقل جميل دمت بخير