هدية من الشاعر سلطان القنيدي إلى الشاعر أسعد السحيمي

هذه القصيدة صرح الشاعر سلطان القنيدي انها هديه الى الشاعر أسعد السحيمي

الشاعر سلطان القنيدي . . . . . . الشاعر أسعد السحيمي

ســلام تسـليمة وفـــا يـفـتــح لـهـا تسـعـيـن بـاب
مـن شاعـر ٍ دوم الجـزايـل بـدعـهـا مـن هاجسه

سقـت الجزايل يأسعد إبراهيم لك سـوق الركاب
والـــدرب قـبـل امشـيبه اللـيـلة تــرانــي قــايسه

واعرف حدود ٍ للغلط واعرف حدود ٍ للصـواب
والخـيــل دايـم ما يـروّض غير بـيــدي فـــارسه

قـريت في (ما هو بطبعي)وانكشف لي الخطاب
زلـة عـفـن ثــوب العـفــانـة فـــوق مـتنه لابـسه

والشخـص هـذا لـو وزنتـه مــا يـعـادل للـذبـاب
ناقـص عقل والحسد في وسط المحاني غـارسه

واللي يشككـ في قصـيدكـ مـا عـلى مثـله عـتاب
جـاهـل ولا يـدري عـن أسعـد ما به احد ينافسه

جـزل وسلس فكـرة ومنطـق مثل هتان السحاب
محـنـّك مـفـــوّه شـعــر خنــذيـذ يعـنـي مــدرسه

مثـل الجبـل شامـخ وثابت ما تزعزعه الصعاب
تـفــداه نــاس ٍ بالمــواقـف والشعــر متغـطـرسه

كـم واحـد ٍ خلـّص مداده بالورق مير ايش جاب
غـير الهـزايـل وإن نشـدته قـال جــزل ومـسسه

لا قـاف لا وزن ٍ ولا فـيـهـا مـضامـيـن الآداب
مثــل الجـهـام المـقـبـلة والـنــاس مـنهــا ميّـيـسه

لـو كـل مـن يكـتب يجـيب الـنـادر بصفحة كتاب
مـا كــان شخـص ٍ مغـتني مـا كـان ناس ٍ مفـلسه

والا انت غير ومنزلك دايم على روس الهضاب
حـر ٍ ولـد حــر ٍ ومـن وكـــر الـنــوادر قــرنسه

بحـر النقا فـرز الـوغا ورث الندى سمح الجناب
دايـم عـلـومـك غـانـمـة بـاجــدادهـا والـمـرمـسه

خوتك راس المال والمكسب ويحسب لك حساب
عــز الله إن الـرجـل لا منـّه عــرفــك تنــومـسه

مـن قـوم لا شـد الـوطـيس الشايـب يعـوّد شـباب
يقبل عـلى حـوض المنايـا راكـب ٍ فــوق فـرسه

مـن كـان جاهـم للخـصام يـلاقـي انــواع العذاب
مـن كــان جـاهـم للســلام الخـيـر بـايــن ملمـسه

والا أنـا مــن قــوم تـعــرف بالملاقى والحـراب
تـاريخـهـم مـا ينحــصــر للـي يـحــاول يــدرسه

والطـيب يجـذبني مثـل مـا يجـذب الحيـد العقاب
واللي قـصــر دونـه حـيـاته ثــوب بـالــي يلـبسه

والطـيّبة مــن حـظ راعـيـهـا وتبـقـى لـه زهـاب
مثـل المـزارع يـوم يقطف من ثمار اللي غرسه

سقـت الجزايل يأسعد إبراهيم لك سـوق الركاب
والـــدرب قـبـل امشـيبه اللـيـلة تــرانــي قــايسه

تقبلوا تحيات

اخوكم نواف محمد العصباني

صح لسان الشاعر سلطان القنيدي
ويستاهل الشاعر أسعد السحيمي

منيف يقول
يارجل لاصرت أخير من الرجال أحسدوك
ولايحسد إلا شجيع القوم وخيارها

القصيدة جزلة المعنى بقوةويستاهل اسعد وربعة

والنعم بالشاعر وربعة

ولكن حبذالو انتهت القافية على ثلاث حروف لكانت اجمل

صح لسااانك

يسلم لنا الناقل وصح لسان الشاعر

والشاعر سلطان القنيدي والشاعر أسعد السحيمي من شعراء الشمال المعروفين

وصلني ذكرهم وشعرهم قبل شوفهم ومصافحتهم

وحضرت لهم اكثر من امسيه شعريه

ويستاهل أسعد وربعه كل هذا

والنعم بسلطان وربعه

والقصيده جزله ومحبوكة الوزن والقافيه والمعنى

واخالف الاخ عايض من ناحية القافية ولا يوجد اي ملاحظة على القصيدة

للامانه من اجمل ما قرءت هنا

صح السانك ويعطيكم العافيه