[قصيدة]لوتغيب

(لوتغيـــــــــب)

لوتغيب ايام وليال وشهــــــر= ماتغير شوقي الصادق عليـــك
الله اللي ميزك دون البشــــــر= اطمئن مافيه غيرك ماعليــــك
كان قلبي قبل حبك كاالحجــــر= لكن صار اليوم لعبه في يديـك
روح به وحدك تباها وفتخـــــر= بس لاتقسى ويرحم والديــك
للفضا نظره لكن كلك نظــــــــر=المشاعر كلها منك وفيــــــك
طلتك عندي ترى طلت بـــــــدر= واكبر شويـه ولابكذب عليــك
والله ان حبك نجر حالي نجــــر=والسبب حبك ولاغيره شريك
اعرف اني عائش بحالة خطـــر=مدركن والقلب من مبطي دريك
المحبه بعضها قهر بقهـــــــــــر= كان خلك ماتجيه ولايجيـــــك
والمحبه بعضها غلطة عمـــــــر= تبتليها وبعض نوبن تبتليــك
والمحبه بعضها يدن الفقـــــــــر=تضعف الرجال لوجسمه سميك

اخوي عبدالكريم


قرينا لك بالمنتدى قصيد وشعر .... من الوجدان صادق ماشا الله عليك
حالك مثل حالي بـــــــس اتصبر .... لو لك بالحشا قلبين ما خفنا عليك
هذه الدنيا لياليها يزينها القمــر .... ولو غاب خلك الصادق بقلبه يشتريك

تحياتي

الشاعر الرائع والضيف العزيز
عبدالكريم بن صويدر
نرحب بك في منتدى قبيلتك
صح لسانك وسلمت يدك
نتطلع الى المزيد من قصائدك
دمت بخير

كان قلبي قبل حبك كاالحجـر
لكن صار اليوم لعبه في يديك
روح به وحدك تباها وفتخـر
بس لاتقسى ويرحـم والديـك

الشاعر الكبير

عبدالكريم الصويدر

صح لسانك يالغالي

على القصيدة الرائعة

السلام عليكم ورحمة الله وبركاته

صح لسانك شاعرنا الرائع

معاني جزلة من شاعر جزل

الاخ عبد الكريم ابن صويدر
السلام عليكم
قصيدة جميله لك الشكر \ شيهان النود