@@@ الألـــــــفــــــيه @@@

هذه قصيدة لأخي الشاعر عبدالله محمود البلوي والتي نظمها دفاعا عن المصظفى صلى الله عليه وسلم:

الألفيه
ألف ألم توه ألمَ وتكلمت = وأدري تألمتوا مثل ما تألمت
على النبي صليت لله وسلمت = بألفيه أنظمها على قافية آه

البا بعيني دمع أداريه ويلوح = والقلب مثل الشمع ذايب ومجروح
هذي وهذي فيهن الشاعر يبوح = باللي ورا دمعه وهمه وشكواه

التا تبلدنا لحد التجمد = لين المسيح بسخريه وبتعمد
تستهزي بخير البرايا محمد = أشرف سلاله بين آدم وحواه

الثا ثناء الرب يكفي رسوله = أنه على خلقٍ عظيم ورجوله
ومقامه المحمود ماحد يطوله = محفوظ حي وميت بحفظ مولاه

الجيم جهل ويدفعون الضريبه = يقدر عظيم الشان ينصر حبيبه
يارب نصرك والدعا تستجيبه = راسم نبيك شله بكامل أعضاه

الحا حبيب الله مبرأ ومعصوم = ولافينا من في خاتم الرسل موهوم
يمكن وهمنا بعد ماغلبت الروم = يمكن وباليرموك موقف نسيناه

الخا خلد خالد وله سيف مسلول = والمعتصم والسيف أصدق من القول
والمجد في حطين ماهو بمجهول = خلد صلاح الدين سيفه وحناه

الدا دوا جرح الإهانه وطبه = إذا نحب الله ورسوله نحبه
نفدا النبي ونسب علجٍ يسبه = نفداه واللي باء بالإثم يفداه

الرا رزايا الشرك ماهي قليله = قبل النبي خلو لربك حليله
ماضل عيسى هم نحو عن سبيله = قالوا ولد ربه وقالوا صلبناه

الزا زعيم المشركين بزمانه = العلج بوش اللي كبارٍ أذانه
دين محافظ لعن ابو هالديانه = ياويله من الله وياويل ويلاه

السين سير في جيوشه علينا = والله كتب له سنة الأولينا
لعبت بهم ريتا بعد كاترينا = ولا العذاب الحق للحين ماجاه

الشين شر يلوح بأرض الدنامرك = يابو جبن من بيد الإسلام دهورك
قدنا بدينا نفرك خشومكم فرك = وحليبكم ياجعلنا ماشربناه

الصا صحى النايم ولاعاده ينام = حتى يعرفكم محمد والإسلام
وحلم الثلاث أبقار تفسيرها التام = بلوا بقركم يالبقر وأشربوا ماه

الضا ضمير الحي له قلب ولسان = ونبينا دونه ملايين حسان
هم إبتدوا وحنا بدينا من الآن = كلاً يرد بقدر ماربه اعطاه

الطا طمع فينا الذي ماله أطماع = اللي بجبنة بوك يشري وبيتاع
لو يدفع الجزيه وخشمه على القاع = تلقى نظر عينه على قد ماطاه

الظا ظليمه للنصارى نسبها = والعالم الله لو يهودي سببها
عادة بني صهيون تعوج ذنبها = حتى وهي ترفل على القدس وأقصاه

العين عادوا حول الأقصى يحيطون = بجدار لجل يقاتلونا من حصون
لبيوتهم في غزة أمسوا يهدون = وذا وصفهم في سورة الحشر نقراه

الغين غارة بعد غارة من الغرب = حنا نسالمهم وهم ضدنا حرب
نتبع خطاهم وإنعمينا عن الدرب = فاتوا على الضب وسط جحره وفتناه

الفا فهمنا ماخفي من خفاهم = هذا كتاب الله وهذا خطاهم
هم جيش الأعور كثرهم في نساهم = ولافيه غير الله نخافه ونخشاه

القاف قمة جهلنا والتخلف = إذا غدينا لليهود نتألف
هم بنكهم دولي وحنا نتسلف = وقروض وأسهم والحصيله مراباه

الكاف كف الشر فيها المروه = ويصير ضعف إذا طمع به عدوه
ومومن ضعيف ومومنٍ فيه قوة = بس إتحاد إثنين قوة مآخاه

الام لايخرج علينا بني عم = أكبر خطيه بيننا ينتثر دم
الوجه الأسود بالسواد يتلثم = يبي الصلاح وخاب سعيه ومسعاه

الميم ميعاد الزلازل من الشرق = متواليات تقول برقٍ ورا برق
وإذا حمانا الله من القتل والحرق = البيت له ربٍ من الناس يحماه

النون نار العلمنه شبها ناس = تبعوا حبال إبليس وإبليس وسواس
أذناب والأذناب تحقد على الراس = وملعون من هو باع دينه لدنياه

الها هدانا الله بخير النبيين = ولو إختلفنا من قبل حرب صفين
رسم النبي وحد هل الدين بالدين = من بعد ماكلٍ يغني بليلاه

الواو وعد الآخرة خير ميعاد = عند الله وتقواه من خيرة الزاد
وطاعة ولي الأمر توحيد وعماد = وصية الهادي وهذا مصلاه

الياء ياربٍ تصون الوداعه = تنصر هل السنه ورأي الجماعه
ونسألك فيما قيل نيل الشفاعه = وختام دعوانا (إن الحمد لله)
الشاعر / عبدالله محمود البلوي.

doPoem(0)