ريمــــاس !
الســــــــــــــلام عليكم
بكل هـــــدوء
قبل لا أطيح من صدري وتنبت بالورق ريماس*
قبل تصحى مواويلي وهذا الليل يسعابي
أنا من قال لك إني هذاك الشاعر الحساس
وأنا حضوري إذا أتواجد تراه بعيني غيابي
أنا ماني سوى واحد عرف يرسم يدين اليأس
كثر ما أربط على قلبي حجر وأجوووع لترابي
تثاوب نظرة المغرب وتبذر فالجفون نعاس
ويحصد فجرنا الطيب مشاويره من أهدابي
وأسكن داخل الأرواح شبابيكي : عيون الناس
وأطيح بجد من عيني بعد ما أحس بأحبابي
ويتعب فيني المشوار .. يحاول يلقط الأنفاس
يميل / ويرتمي ذكـــرى > ويفتح للمساء بابي
كذا الذكرى طفل وبيوت وبنت وياسمين وفأس
وحزمه من تعب وإجهاد وأنا في وقتي ألعابي
حمامه ودمعتين وطين وأصابع تخجل الكراس
عيون / وشرطه / وخباز وخوووف وضحك لصحابي
من اللي قال أصحابي ؟؟ عسى الله يقطع الوسواس !!
تعااالي شلة الحرمان نبي نحزن على حسابي
تعالوا نملي أحجاره فم المستغبي الهلاس !!
تعالوا داخلي ذاك الطفل مازال يقرابي
طفل كانت كذا أحلامي >> بطوله / وميدالية / وكأس
وكيف أولع الجمهور / وكيف أهدي أعصابي
تولعبي جنووون الطيش شرارة دقت الأجراس
وأطلع من غثاء الحصة بجنوووون أكبر من أكتابي
كبرت وليتني أرجع وأصدق كذبة الغطاس !
واللووووم البحر والتاريخ وأخذ كـــل أتعابي !
وتثاوب نظرة المغرب وتنبت بالورق ريماس
وتصحى كل مواويلي وهذا الليل يسعابي
وأقوم أغطي الدنيا عن أوجيه العراه الباس !
وأكتب هالحضور اللي يزملني وراء غيابي
وتسكن داخلي أرواح .. وعيني : نافذة للناس
يطيح الكون من عيني / وأبقى فخــر لأحبابي
محبتي
أحمـــــد عـــــايد البــلــوي
.
رد مع اقتباس
المفضلات