.
والله ما أردك يا محمود
وبطنش حلف النتو >>>> ( أبو فالح ويا سر )
.
قالت كلامك جد..وعيونك كبار..=قلت الله الله..وارثه من خوالي
مانيب من يرقص على دقة الطار=ولانيب تباع الرخوم التوالي
شوفي عيون الحر ان حط وان طار=وشوفي علوم مدورين العوالي
وان كان في طيبي على مثلك غبار=ترى الغبار الي بعينك صفى لي
اقدم ضيوفي على ساكن الدار=واعطيهم المقسوم فوق الزوالي
وان كان شوقك في نواعيم وصغار=انازنودي يفتلن الحبالي
عساه من فالك ويرقص لك الطار=وانا عريب الجد عساه فالي
منتيب من ربعي ولانيب لك جار=يالاني المولى ويالاك والي
اناغرامي بكرة تسبق بكار=كلن يعرف اعمامها والخوالي
ان دار وقتي ماتقول الزمن دار=تقول وقت جاب مثلك صفى لي
ولاهيب ثرثارة ولاتفشي اسرار=وان غبت عنها ماتضيع عيالي
بعض البني در على كف محار=وبعض البني مثل الوصخ بالغسالي
وبعض البني ما واق من شرفة جدار=وبعض البني بالسوق ضحك وهبالي
مثل الرجال خيول وبغول وحمار=وكل على شكله قبيله موالي
الله يحفظك للدلع طول الأعمار=ويبقى لك المكياج سهل النوالي
من ديوان جمرة الماضي ...لعبدالكريم المهنا
المفضلات