يامكثرين الهرج لا اسمع ولا اجيب

كم اسعدني الانضمام لمنتدى قبيلتنا الغالية العريقة بالامجاد والتاريخ
منتدى بلي

وهذه قصيده اعجبتني لــ شاعر لم اتمكن من معرفته
واتمنى أن تنال رضاكم واستحسانكم

يامكثرين الهرج لااسمـع ولااجيـب=تريحوا من فضلكم واسمحـوا لـي
تريحـوا لاتلحـقـون المشاهـيـب=على الردى ماني شفـوقٍ عجولـي
بالعقل والصبر ادب النفـس تاديـب=والا لهـا مـده تصـول وتجـولـي
خلجٍ ترازم فـي سيـاج المحاديـب=مافيهـن اللـي بالعقـال معقولـي
اشد وطية زور مـن شمـخ النيـب=لا ضاع مفعو ل الحيـل والحلولـي
انـا لاقلـت ارتـب القـول ترتيـب=حتى يجي كـيٍ علـى فـك قولـي
لا ارسلت لافكار القريحـه مناديـب=ترايعن من عقـب ماهـن جفولـي
لكن مالـي مـن وراهـا مكاسيـب=لو كان عشاق القشر صفقـوا لـي
مامستفيـد الا العـدو والاجانـيـب=ولاني مطيـع مقرقعيـن الطبولـي
خليتهـا تعطـي فجـوجٍ مجاديـب=جربا تجود فـي رسنهـا مهبولـي
والله لااجنـب دام لـي درب تجنيـب=من شرهة حشام الرفاقـه خجولـي
لـو انهـا بيـن النحـر والتلابيـب=من الحيا وجهي مهـوب مغسولـي
طبـع لنـا نشـب عليـه ونشيـب=وطبيـعـةٍ لعلـهـا مـاتـزولـي
على الجماعه للجماعـه مواجيـب=الا جهلـوا قـدر الرفيـق الهتولـي
ماني على ربعي قريـب محاضيـب=ادنـاة مايخلينـي اسـرج خيولـي
ان جات من طيب شقاها على الطيب=لو انها اعوج مـن رقبـة الذلولـي
وان جات من مسكين منطق واساليب=حطيتهـا بيـن الثـرى والنعـولـي
لاحركـت شعـره ولاطلعـت شيـب=ولاضيقت صـدري ولاطـق جولـي
وان كان في صبري على ميلهم عيب=العيب تفتيـش الصـرر والحثولـي
لاقمت تذكر فـي رفيقـك عذاريـب=وتبيـن عيوبـه لذولـي وذولــي
صبرك على ربعك عـلاج وتطابيـب=يقصـر حبـال السالفـه لاتطولـي
حتى مايلقا فـي طرفهـا مقاضيـب=كـراه خيـر وللمشاكـل ميـولـي
وليا بليـت بتايـهٍ شـره وصعيـب=يقول انا العـراف وانـت الجهولـي
قـل الله الله ياحصـان الاطالـيـب=يالفاهـم العالـم عطيـب الفعولـي
هذا الكلام اللي مافي صحتـه ريـب=لانيـب لاحولـك ولاانتـه بحولـي
حصان وبن حصان طيـب مجاذيـب=وبالمعرفـه رجـلٍ محلـي ودولـي
خله يروح يخطي الـدرب ويصيـب=يقول مابالنـاس عرضـي وطولـي
والفرق ماهو باللحـى والاشانيـب=الفرق بين النـاس فـرق العقولـي
كم واحد ٍتحسن بـه الظـن ويخيـب=السـن يضحـك والفـؤاد معلولـي
واللي غدت به كلمةٍ مالهـا غيـب=ماهو من اطيب ربعي اللي غدو لـي
يالله عساها صيحةٍ فـي قفـا ذيـب=وقلع النيـا بينـي وبينـه يحولـي
الرجل مايغصب على الطيب تغصيـب=لا صار ماهـو دل ضمـن الدلولـي
ومن عادة اللي طيبه يحضر ويغيـب=لاطالـت الرفقـة زهـوقٍ ملولـي
واليا بلنـك غبـر الايـام بصحيـب=في مستوى طيبه صعـود ونزولـي
اعرف ترى الدنيا دروس وتجاريـب=والكامـل الله والنـقـا للرسـولـي
لاتصير مشـذاب يقـص العراقيـب=خلـه وراع الاولـه وش يقـولـي
اخذت حكمه مـن كـلام اللواعيـب=للطيـب نـاس وللعـذارى فحولـي