محاوره بين الحصني والذيب

الحصيني :

سلامي لذيب الامعط بوافي التـــــــحيه= اعداد ما جابو الشــــــعار من الحوني

ودنا نجـــيب المــوال على صافي النـيه= قوم ياخو صالحه لاتخـــــــيب ضنوني

الذيب :

نرد لك الســــــــــلام بأحسن مـنه وزيه= لون الي مثلك يالحــــصيني ما يموني

انا راعــــــــي الموال ومــــــــنه معليه = كم ليله اجره والعــــــــــرب يسمعوني

الحصيني :

قلي ياخو صالحه تعــــــــــريف البندقيه = الي لنك عديت المــــــــــراح يثوروني

انا احمد الله لاعــــــــــــــــــــــــليه ولااليه= اتمشى بالمـــــــــــــــراح ولا يكلمـوني

الذيب :

حديدة صنـــــــــــــــعها الخواجه للاذيه = والبدو عن العشاء فيها هم يطـــردوني

انا الوحـــــــــش الي اخلي ليلتهم ليليه = والا انت على زويلك ضـــــني يلعـبوني

الحصيني :

علامك ياخو صالــــحه اتمهزا انت فيه = وانا المـــــكار الي بي المثل يضربوني

شــــــــوف الزمان دار وغد الامر بيديه = المكر والحـــــــــيله سلحاً به ينجحوني

الذيب :

ماني خابر لك الا الارينب ضـــــــــحيه = والا انا نوخت الزمل واجليت الضعوني

ماخون مبدي يالحــصني والنفس حـيه = والمكر ما فك مـــــــني اعيال الجنوني

الحصيني :

ودي اناســــــــبك يالذيب عطني البنيه = ويجي ابناخيك من حصــــــني مهجوني

طوع شوري وضـــــني يجي الولد بليه = حصني مستذيب ولا ضني له يقدروني

الذيب :

اتعقب ما اعطي بنتـــي للي مثلك هفيــه = اقلب وجــهك وفارق لعن ذيك الاذوني

اطلع رأسك يابا الحـــــصين جتك المنيه = ملعبتك جابت لنا العـــــــرب يركضوني