قصيدة- رحلة ظماي
بسم الله الرحمن الرحيم
هذه القصيدة أرسلتها الى صديقي ورفيقي / بشيرابراهيم البلوي ابوسامي بتاريخ 29/12/1412
شعر/ سليمان الرقيقيص البلوي
وهي بعنوان / رحلة ظماي وقد رد عليها فورا برد مناسب وجميل
الله أكبر كيف ضيعت الدليل = في متاهات بعيدة عن لقاي
ماجر الي ماهو بالشيء القليل= خالفت مسيرتي خطة مناي
وعناي اليوم من حملن ثقيل= يابوسامي زاد همي مع بلاي
من عيوني سارت دموعي تسيل= ياخساره طال صمتي في عناي
اذكر الماضي و انا قلبي عليل= من هواجيس الزمن حارت اخطاي
يا سيوف الظلم اسمع لك صليل=لاتخفي يعلمك عالم بكاي
كل ظالم يعلمه ربن جليل=يااليلاهي ماعلى غيرك شكاي
آه واهمي بها لليل الطويل = يا حياة الظلم غيهبتي خفاي
واهني من نام في ظلن ظليل=ليت عنده تنتهي رحلة ضماي
رد ابوسامي على القصيدة / بعنوان هذه الاقدار
رحمتك يارب موسى والخليل =ورب سيدنا محمد في سماي
ترحم اللي صارفي حال مهيل =والمصيبه قصته صارت معاي
زاد همه والجسم اصبح نحيل =وفكره مشتت وله ستين راي
ثار بركانه و دمر الف ميل = وهزوجداني وسبب لي شقاي
يشتكي ليه وانا مالي سبيل = ناقلن دايه وعاجز عن دواي
ماعلى الله ياصديقي مستحيل =قادريحقق مناتك مع رجاي
انصحك ياصاحبي صبر جميل =شدحيلك والفرج لابد جاي
لاتهزك عاصفة معها تميل = هذه الاقدارماهي شرب شاي
والرجال رجال للحمل تشيل =واقبل اشواقي وهذا منتهاي
رد مع اقتباس
المفضلات