أسعار تذاكر الطيران على خطوط ناس

على موقع شركة ناس للطيران الجديده

اكيد تشوفون الصوره اسعار ولا في الاحلام

طبعاً الرحلات راح تبدأ غدا ان شاء الله الاحد اللي هو 25 - فبراير - 2007

تخيل الذهاب من جده الى الرياض لشخصين بــ 199 بمعدل تقريبي 99 ريال
للشخص الواحد ...
والدفع تقدر تدفع عن طريق
الموقع الالكتروني باستخدام الفيزا كارد او ماستر كارد ويرسلون لك
ايميل أو فاكس اسمه خط سير الرحله هذا لازم تحتفظ فيه

انا ماراح اطول عليكم هذا موقعهم شوفوا واحجزوا واطلبوا وسافروا بكيفكم

http://www.flynas.com/ara/index.html

وعلى فكره الرحلات من الرياض لجده أو العكس
ومن الرياض للمدينة أو العكس
غير مسموحه الان من جده للمدينه او من المدينه لجده
الشركه في بدايتها لمدة سته شهور تجريبيه في هالرحلات على الثلاث
مدن ( جده - الرياض - المدينه )
وبعد كذا راح تفتح على جميع المطارات المحليه وبعد سنه ونص بالكثير
على حسب ماسمعت ان شاء الله راح تفتح دولياً
عدد طائراتها حالياً 12 طائرة وراح تكتمل في نهاية السنه ان شاء الله
الى 37 طائره ... ( عقبال الالف طياره عشان تنزل اسعار الخطوط السعوديه أكثر )

وبعد اربعه شهور تقريباً راح تنزل الشركة الثالثه وهي شركة سما للطيران

وراح تنزل الاسعار ان شاء الله

عقبال مانصير نتنقل في طيارات تصير مثل النقل الجماعي