قطع الوصل
راعي الهوا يرقب على كل مرقاب=رجمٍ يحول به ورجم يـــــــتـــعداه
لازم يشوف لطلته عذر واسبــــاب=حتى يشوف الصاحب اللي تمـــناه
يابومبيسم كن فيه العـــســـــل ذاب=وابوعيوناً سرها ماعــــــــرفــــناه
وأبو قوامٍ للعـــــــشاشيق جـــــذاب=وأبو جدايل فوق مــــتنـــــــه مثناه
وين انـــت غايب والهوا قفل الباب=يامن عليك سعون قلبي مطــــــواه
انا انتظرتك لين نصف القمر غاب=والنصف الاخركنه انت اتـــــحلاه
ياشين قطع الوصل من بين الاحباب=وياطول يوم الغد للي تـــــــــحراه
الجرح ينزف له زمانين ماطـــاب=ياجرح جرحي متى تصرف ادواه
قصيدة غزليه للشاعر حسن عبيد السرحاني
رد مع اقتباس
المفضلات