ابونواف+عبدالله محمود(صوتية)
للحفظ’.
قصيدة من قديم الشــاعر عبدالله محمود الجحرش البلوي
بصوت المُبدع ابونواف (المشرف العام على موقع الخيمة الشعبية)
واتمنى ان تنال على إعجابكمـ,
وش يقول اللي تعذب فالحيـاة=شاف بالدنيـا متاهـات وقهـر
في وفـاة أبـوه مولانـا بـلاه=والعزا أن الموت من حكم القدر
وأقتنع باللي كتب ربي وقضـاه=وقدرة الله مالها غيـر الصبـر
ضاق من وقته وعانا من قساه=حـاول الكتمـان لكـن ماقـدر
شال هم أيتام تبكـي مـن وراه=لين قلبه من عنى الوقت أنصهر
وقته المشؤم بالحنظـل سقـاه=الثواني يـوم والساعـه شهـر
في زمن مابان جودة مـن رداه=في زمن فيه المصايب والغـدر
مالقى له واحـدٍ يوقـف معـاه=لازبن رجال في وجهـه كشـر
وأقرب أصحابه سلا عنه ونساه=هو حزين وطب في "عالم غجر"
حظه الأقشر مع الحيـره رمـاه=وآعذابه راحـت سنينـه هـدر
باع همّـه للقصايـد وأشتـراه=لو كلامه غيـر صالـح للنشـر
ينثر الآهـات ياضيعـة عنـاه=يطلب الما طاح في وسط الجمر
صام بالدمعه وعيد فـي شقـاه=مظلمـه دنيـاه مافيهـا قمـر
لو ينادي ماحـدٍ يسمـع نـداه=اليتيم النـاس تعطيـه الظهـر
كم طويلا ً من عنى وقته بـداه=يذرف الدمعات من فوق الصخر
وكم تذكر مامضى له في صبـاه=وكم تعذب من مطبـات العمـر
لو كتب مستقبله عـاد ومحـاه=يعرف أن مستقبله علقـم ومـر
سارت الدنيا بعكس اللي هقـاه=جابته دنياه مـع درب الخطـر
مقصدة رجال يلقى بـه عـزاه=لأنتخا به ساعة الشـدة حضـر
يوقف بصفه صباحه مع مسـاه=عن صواديف الزمن يبقى ستـر
ذا كلامه , وإن سأل رجلا ً قراه=منهو اللي دنيته ظلم وكـدر؟؟
قولوا اللي يبكي الوقت وجفـاه=والعزيز اللـي دموعـه تنتثـر
ذاك أبن محمود عبـدالله أسـاه=لو على " رضوى" تمايل وأنكسر
ولو وطا رجال مثل اللي وطـاه=أعتقد من ساعته قـام أنتحـر
رد مع اقتباس
المفضلات