على الزين مشتاق

يالله ياللي للمخالق رزاق=يارازق الفقري من المغتنيني
تغفر ذنوبي قبل قضاب الاعناق=قدام لايكتب علي بجبيني
امسيت مثل اللي كسيراًمن الساق=من هاجساً بقصى الحشى مايبيني
الله من قلباً على الزين مشتاق=نوباًعلى اليسرى ونوباً يميني
يامن يودي لي سلامي بالاوراق= للصاحب اللي منتحي مايجيني
اللي كلامه كنه الذوب لالاق=وللاّ حنين مقرقعات الحنيني
لعل من يسعى لخلي بالفراق=عساه يبلا في فراق الجنيني
يالايمي جعله من الرجل منعاق=واللاّ مرض يدعي حداه الونيني
(حلفت)لون البيض تجلب بالاسواق=لسوق ماعندي وربي عويني
ياليت ابوها حطني بس سواق=اصير له سواق طول السنيني
واللايخليني مع الترف ملحاق=اشيل ورحل نهارالضعيني
حلفت لولاقولةِ منت مفتاق=واللايقولو مهتويه اللعيني
اني لخلي (بال)سكه ومطراق=حتى يقولون العرب راحليني
وصلاة ربي عد ماهل برّاق =على محمد صفوة العالميني

doPoem(0)
من قديم
الشاعر
سليمان ابراهيم الوحيشي

اخوي الشاعر سليمان الوحيشي صح اللسانك قصيده جزله من راسن جزل ...

ياليت ابوها حطني بس سواق ..
............ اصير له سواق طول السنيني ..

وتسوقها على ماتشتهي ياطويل العمر ..صح منطوقك وفكرك

تقبل مروري وتحياتي اخوك فايز..