مساجلات شعرية

* قصيدةللشاعر سليمان الوابصي موجهه للشاعر حسن عبيد السرحاني ومدحاً بقبيلته*

هات القلم واكتب على سطر قرطاس=أكتب جواباً وصله في ثوانـــي
أكتب كلاماً فيه فخراً ونومــــــــــاس=لأبو زياد اللي يعرف المعانــي
اللي اذا جيته كما الصقر قرنــــــاس=صديق وافي بالقساء واليانــي
قهوة حسن تسوى ذبيحة بعـض ناس=أمخضبة بالهيل والزعفرانـي
فنجالها رائب يد اوي خوى الراس =البن الاصلي من حصاد اليماني
معها تحيه طيب من كل الاحسـاس=يصهل اذاجيته صهيل الحصاني
طيبه من الجدان ساسٍ على ساس=عساه يسلم من صدوف الزماني
ربعه هل الحيزاء مواهيب فـــــراس=أهل المراجل كاسبين العوانــي
واللي يجيب الكاس يستاهل الكــاس =يستاهلون المدح سر وبيانــي
اقولها ماني منافق وجســــــــاس=والمدح فأهل المدح له شان ثاني
سوق الغلاعالي علىسوق الافلاس=والطيب يرسي في عميق المواني

*

قصيدة الشاعر حسن عبيد السرحاني موجهه للشاعر سليمان الوابصي ومدحاً بقبيلته*

يامرحبا ترحيبتاً عقدهــا ماس=من صادق شعوري وطيبة لسانــي
ترحيبتاً ما تنتقيس بمقيـــاس=بالصاحب اللي جاب شعرة وجاني
شاعر وصاحب فالمهمات نبـــراس=ما اعده الا واحدٍ من اخوانــي
لا شفت ابو يحى رحل كل هوجاس=ينزاح من بين الضلوع المحاني
خابرك يا سليمان للطيب غــــراس =ذكرتني يومن غيرك نسانـــــي
راع الوفاء والطيب ما يلحقه بــاس=بين العرب كنه سهيل اليمانــي
ساس الربوع محرقة كل محمـــاس=مقلطين الحيل فوق الصيانـــي
أهل المراجل يوم الارياق يبــــاس=فكّاكة البل مرويين السنانــــــي
اللي لهم في قمة المجد مجـــــــلاس=من وابصة نعم الرجال الذهاني
فوق النضا والاعلى قب الا فــراس=يشهد لهم بالفعل قاصي ودانــي