(خاص) من روائع الشاعر: مشهور السرحاني

هذه القصائد
من الشوارد التي لا يجود الزمان بمثلها إلا في اعقاب كل فترة جفاف شعري

وبصفتي من احد المعجبين
بــ مشهور .. وبقصائده .. الجميله
استاذنته لنشر هذه الروائع بمنتدى قبيلة بلي فقال / انت يا عايد .. تمون

شكراً يا ... مشهور

وشكراً مره أخرى نيابه عن قراء هذا الجمال .


اليكم مع التحيه

(1 )

أسئل عيوني

.

حبيبي أشرق ترى ليل السهر طول = على حبيبٍ يتوق لشوفتك مره
.=
من راس ضلع السوالف هاجسي حول = وفي شاطي الصمت بعدك جاه واجتره
=.
ياقاتل الطرف من ينسى الحنان اثول = ومن جرب الشوق مايقوى على حره
.=
اسئل عيوني كرى .. قالت هذاك .. أول = يوم إني ازهى بشوف النور والقره
=.
ناي القصايد على بيض الورق مول = لحن المعاناه وأخذني على غره
.=
ما أسهبت وصف المشاعر فيك يالأول = في قلب حبك وصانك .. للولي دره

_____________________________________


(2 )

بطاقة أشواق

الزهره اللي فوق الأغصان تختال = متى على الله نهتني في شذاها
تفوح مسك وطيبها ينعش الحال = سبحان ربٍ بالمحاسن كساها
ابني لها قصر الأمل فوق الأطلال = وارسم على ثغر الشفايف هناها
وارسل لها مع نجمة سهيل مرسال = بطاقة أشواق تبين غلاها
تشرح لها عن شخصنا مجمل الحال = تروي تعب كل الحياه وعناها
يمكن تحس بوضعنا قرة البال = وتشوف حال اللي تعذب وراها
من صوبها بالروح مقبل وميال = تنبض عروقه بالغلا من هواها
ياوجهها المشرق ترى وعدنا طال = متى غيوم الياس تبعد مداها

* الشاعر : مشهور السرحاني