ثلاث مع ثنتيين لمّاهن صعيب=ماياتن الا بالخسارة والعذاب
تقلط المنسف معه كبد وعصيب=وادراجك الحناء على رقاب الركاب
وراع المعرفة يوم يقلط للطليب=الي يسد الحاضرين مع الغياب
واللي يفك اخواه فاليوم العطيب=يوم الثميدي مرعدة السحاب
واوصيك ضب المال والمال الحبيب=والمال عندك كنه الضلع الحزاب
والصيد للصياد يوم انه يصيب=إن قيّلت في طور والمبداء طياب
وبعض العرب ما يعرف قانون النسيب=يعر جاره كما عر الكلاب





خمسة أشياء يصعب ان يجمعها رجل واحد حسب رؤية شاعرنا رحمه الله او بالاصح اربعة وهي الكرم / المعرفة ( الحكمة ) / الشجاعة (الفروسية ) / المال ( تجارة او غنى ) والخامسة اراها صفة محببه لشاعرنا رحمه الله لذلك اوردها وهي طرد الصيد ..