وقـتنـا الـيــوم

وقـتـنا اليوم شـان و صـار فيـه اخـتــلال = والقـدر قـام يلعب في الزمـن لعـبتـه
والـعواصف توالت من جنوب وشمـال = مـا بقـى عـود فـوق الأرض مـا هزتــه
الشجر ويـن مـاهب الهـوى معـه مــال = والجـبل لـو تـهـب الـريـح مـا رزتـــه
الـخـيال الحقـيـقـه و الحقـيـقـه خـيــال = اختفـت في زمـن مـا تنعرف وجـهـتــه
الحـضـارة تــقـلبــنـا عـلـى كــل جـــال = واكـثـر الـنـاس غـيـر لجـلـهـا عــادتــه
منكـر انـه يـعــرف السانـيـه و الـمـحـال = ينكره مــن يـعـرفـه لا سـمــع لـهجـتــه
اكثـر النـاس عنـده مـا تشــوف الــدلال = وان لفـيـتـه تشوف الضيـق في جبهتــه
طول الأيام مال الضيف عنـده مجـال = وان كرم خص بعض الناس في كرمته
اكثـر الـناس مالــه ذكـر بيـن الـرجـال = مــن شـبـابــه لـيـامـا شـيــبــة لـحـيــتـــه
مثـل راس النعامـه مندفن في الرمـال = لـو تـدور الدوايـر مــا قـضـى عــازتـــه
اكثـر النـاس عـاش العمـر لـمـام مــال = مـا قـضـى حاجـتــه مـنـهــا و لا عـزتـــه
ما يـهـمــه حــرام الـمـال و لا حــلال = يـتـبع الـمـصلحه لـيـن الحيـاة اغـوتــه
اكثـر النـاس لـنـه شـاف خـشـم الـريـال = ينـثـنـي عـنــد راعـيـهـا عـلـى ركـبــتـــه
لو تشوفـه مـعك بالحيـل زاد الوصـال = مـا يسـلـم علـيـك لـيــا قـضـى حـاجـتــه
اكـثـر الناس راسـه ممتـلي في الخبال = كـلـمــةٍ جـابـتــه و الـثــانــيــة و دتـــــه
راح عمـره عـلى ما قـيـل روح و تعـال = لا كسـب مـن عـنـاه ولا كسـب راحـتــه
اكـثـر النـاس لو يلبس شـمـاغ وعـقـال = مـا يـطـلع لـســانـه لـلـعـرب هـرجــتــه
لاصـقـاً في جـمـاه ولا يـجـاوب ســؤال = و الـلـه الـلـي يـدبــر مـثـلــه بـدبــرتــه
والـله الـله عـلى علـم الرجال الـثـقـال = لا وقـف واحـداً منـهـم حمـى وقـفــتــه
مكمـليـن المـعـانـي با لـوفـا و الـكـمـال = كـل مـنـهــم بـفـعـلــه تـعـتـلـي هـامــتــه
والـله الـله على اللـي طيـب العلـم نــال = لـو حـيـاتـه بـسـيـطـه هـمـتـه سمـعـتـه
عـزت الـنـفـس فـي دنـيـاه لـه راس مـال = لـو ظـروف الـزمـان الأكشـري حـدتـه
والـله الـله عـلـى الـلي بيـن عمـاً وخـال = لا بـغـى يـعـتـزي يلـقـى بـلـي عزوتــه
مجدهـم ناقـشـينـه في الحجـر مـا يـزال = كايـديـن الـعـدى وعـلومـهـم مثـبــتـه
والـله انـه صدق راع المثـل يـوم قـال = الـقـدرقـام يلـعب في الـزمـن لـعـبـتــه