النتائج 1 إلى 6 من 8

الموضوع: من حمدان 00 لمحمد مجاراه000؟

مشاهدة المواضيع

المشاركة السابقة المشاركة السابقة   المشاركة التالية المشاركة التالية
  1. #1
    شاعر و إعلامي الصورة الرمزية محمد ظاهر الميهوبي
    تاريخ التسجيل
    22 - 4 - 2006
    الدولة
    السعوديه
    المشاركات
    2,002
    معدل تقييم المستوى
    698

    شعر من حمدان 00 لمحمد مجاراه000؟

    هذه االقصيده موجهه لي من الاخ حمدان عواد زوغان العرادي سلمه الله
    ومنشوره في ديواني ربيع العمر عام 1412هـ

    يقول حمدان


    ياعين جيبي من مافيك وانا اجيب=على رسوم(ن)دارسه من بطاها
    امست على روحي تدور الدواليب=أسود ظلام الليل يخفي سناها
    اعوى على الماضي كما يعوي الذيب=في ليلةٍ خرساء مطير(ن)سماها
    نفسي بها لهفه على الماض ياذيب=أشرب من الماء لا يروى ضماها
    لا نسنس الغربي وصبت صباصيب=على بلادٍ ضيفها ما سلاها
    لا وخساره باالحسان الرعابيب= على رجالٍ ضيفها ما سلاها
    حياتهم ماغير رقصاً وتطريب=وسط الملاهي غارقه في عماها
    راح الوفاء ماغير هرجاً وتهذيب=دار الحضاره لا يدفي فناها
    ما بالحضاره غيركبتاً وتعذيب=تظلم بها وقوماً طوالاً00 لحاها
    والحق صار اقوال وسط المحاريب= عند المحاكم لا يحصل صداها
    ياما هذى فوق المنابر خطاطيب=تحرم البذره وتاكل نماها
    اين الرجال اهل العدلوالمواجيب=راحت ولا خلت كريماً وراها
    تغير المذهب بكثر الماريب=ماني ميز عصرها من ضحاها
    واضحت نفوس الناس مثل الغرابيب=واهل العقول اصبح قريباً مداها
    عشنا ع الايام بالعسر والطيب=تضفي على لا شي وتكشف غطاها
    احدٌ تهيي له كثير المطاليب=واحدٍ يموت وحاجته ما قضاها
    توفرالخامه لصنع الاكاذيب=وتغير الجوهر لتحكم عداها
    واذا انها سبعٍ طويل المخاليب= تخادع المؤمن لترضي هواها
    تبكي وتضحك مثل بعض الاصاحيب=وعند الحقيقه لا جداء من جداها
    انا يا بافيصل بعيد المراقيب=عايش مع الدنيا وفاقد حلاها الميدان تحمي حماها
    ابن صميد ومن رجال المواهيب=اللي نهار الكون صعباً لقاها
    يا ابن الرجال مجودين المناسيب=في حومة الميدان تحمي حماها
    الى بلي ساسه بعيد المضاريب= اقدم من التاريخ في مبتداها
    ريف المقاوى بالليال الشلاهيب=يالله عساها للبقاء ياعساها
    يقابلون الضيف باغلى التراحيب=مع دله صفراء يكيف شذاها
    في ساحة الميدان مثل المشاهيب=ما تنثني حتى تقهقر عداها
    الوم نفسي لين شفت العذاريب=ربعي مع العالم معاب سواها
    ويانعم في كل القبايل على الشيب=كل العرب تبقى وثيقه عراها
    ياما غزوا فوق اخيول السلاهيب=روماًوفرساً لين حلت لواها
    جازوا بعيدات القفار السباسيب=بالغال وارض الصين دارت رحاها
    مني اليكم يامحمد مكاتيب=كأني على نار الغضاء في حراها
    حتى تجي منكم شموع المواكيب=تقصد بنا دارا ينعنش صباها
    انت وفيت وقاصد الخير مايخيب= لولا المعزب ما بلغ مستواها
    نقرب المعنى من البال تقريب=ولولا ضروب العقل ما احد حواها
    اصون نفسي عن كلام العتاتيب=وتهناالعقول المتعبه في شقاها
    كل الجروح تفيد فيها الاطابيب=الا جروح النفس يصعب دواها
    كم غافلا يرمى بحد اللواهيب=ودرب الرداء من خلقته ما مشاها
    دايم ضعيف الحال يخطي ولا يصيب=يحصد ثمار الزرع قبل استواها
    يغربعض الناس كبر التلابيب=وينسى الحياه وما تلى منتهاها
    وكم زاهدا ينظر لعال المراكيب=اذا هوت نحو المأرب عصاها
    النفس فيها يفشل الضن ويخيب=تثقل على الكاهل لطالب علاها
    ما اقول هذا القول فخرا بتصويب=لكن يضير الكبد ناراً شواها
    تمت وختم القول صاف المحاليب=ومن باع نفسه بالمعالي شراها



    هذا ما كان من اخي حمدان اما ما كان مني هذه القصيده رد على حمدان





    عديت بالمرقاب روس المراقيب=قبل الغروب وشمسنا في سماها

    هب النسيم وداعب النفس تدعيب=وهاضت جوني يوم ذعذع هواها
    واخرجت من جيبي لطيف المكاتيب=جزل المعاني تطرب اللي قراها
    من صاحبٍ ما شوقنه رعابيب= يشكي على دنيا كثيراً بلاها
    حمدان معذور بقول لك مصيب=يومك شكيت الحال واللي بر اها
    نظمك لفاني وطرب البال تطريب=القاف وافي والمعاني حواها
    تشكي هموماً في ضميرك معاطيب=عينك سهيره نومها ما هناها
    ابكي معك واسرب الدمع تسريب=والله عليم وفي ضميري خفاها
    دنياك هاذي يالعرادي عواقيب=يوماً معك ويوم تلعن ثواها
    دنيا تعكر صافيات المشاريب=عجزت اميز مرها من حلاها
    الوقت هذا شيب الراس تشييب=اودع وحوش البر جذب عواها
    عصر النفاق وفيه غظ المواجيب=وكلاً يزور بلقمته ما كلاها
    الصدق راح وجاك عصر الاكاذيب=وتأتيك هرجه بالقفاء ما تحراها
    وقت النساء ومعلقين الدباديب= كلٍ يطاوع عشقته ما عصاها
    عصر البداوه عند ناساً غدى عيب= ونسيوا عيبوباً بالحضاره نراها
    الذيب ولى والحصيني غدا ذيب=والوكري باز والشيهاني تلاها
    راحوا قروماً بالمراجل علاهيب=وطلعت رجالا تخزي اللي دعاها
    وين الرجال مغربلين المناجيب=ياليتنا ياخوك نتبع خطاها
    بعض العرب وسط المجالس لواسيب=خيله مع النمام تقرع حذاها
    ياتيك بهرج يذوب الصخر تويب=في كلمةٍ يقولها ما دراها
    عند اللزوم يروغ ويصير رعبيب=ليته تريض كلمته ما حكاها
    ان اقبلت دنياك شفت التعاجيب=وان أدبرت تسقيك من كدر ماها
    أضحك لها ولا تعذب النفس تعذيب=واخف الجروح الداميه من عناها
    ولا يغرك المظهر بدار الاجانيب=بعض المظاهر سمها في قفاها
    انت كما حراً قوي المخاليب=مثلك على صكات بقعاء دواها
    انت كما عداً بعيد الغياهيب=ساسك متين وفيك دوم نتباها
    انحر ديار االربع سيد المعازيب=ربعاً تسر البال ساعة لقاها
    نسل العرادي من رجالٍ لواهيب=من لابةما تهاب حامي لضاها
    على النضاء ربعك تهز المشاعيب=يوم الحرايب ما يدنس حماها
    اهل الدلال الصفر حدباً معاذيب=مسكوبةٌ من فوق حامي غضاها
    اهل الكرم يوم الليالي مجاديب=غيث الصديق وللرفاقه ذراها
    انااشهد انكم من هل الجود والطيب=فيكم شهامه دوم يزخر عطاها
    انا معك بالروح وما تطلب نجيب= روحي لروحك يارفيقي فداها
    حنا رفاقه في ليالي شلاهيب=عزوة بعضنا يوم دورة رحاها
    حنا على يمناك شرقا وتغريب=حتى تنال النفس منكم رضاها
    ترى الامل بالله يالقرم ماخيب=اصبر عسى المعبود يدحر عناها
    الصبر زين وفيه للعقل تهذيب= واللي صبر لا بد يحمد ثناها
    وختامها لك يا صحيبي تراحيب = من خاطرٍ فيض المشاعر بناها
    التعديل الأخير تم بواسطة محمد ظاهر الميهوبي ; 11-10-2007 الساعة 04:53 PM
    نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي
    دواويني - وموقعي - www.fssoolashaer.com
    ديواني الصوتي http://fssoolashaer.com/vb/showthread.php?t=885

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
هذا الموقع برعاية
شبكة الوتين
تابعونا